Kolose 1:4 - Livulu lya Shukulu Kalunga

⁴ Omwo twazivi kukulaela kweni muli Kilistu Yesu, na cizemo ceni kuli vanu va Njambi voshe.

Kolose 1:4 Iomraidhean Croise

2 Kolinte 7:7

Kesi akwija kwendi lika embwe, oloni nakuzembeleka kuje mwamuzembelekele nakwo. Natuleka lalo ngwendi mushaka kunjimona, muli na mangunge nakulila omwo yange, ngecivnene, njavwaelela manene.

Ngalatiya 3:26

Akukulaela ngeci yeni voshe munapu vana va Njambi muli Kilistu Yesu.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Efeso 1:15

Omwo a vyuma evi, tunde aje njazivile vyakukulaela kweni muli Mwene Yesu na cizemo ceni kuli voshe vanu va Njambi,

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 3:6

Oloni ololo Timateo neluka kuno, co natwambulwila muzimbu wauvwa akukulaela kweni na cizemo ceni. Natuleka ngwendi simbu yoshe mulinakutwanuka, co mulinakushaka kutumona ngwe yetu tulinakushaka kumimona.

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

Filimoni 1:5

Omwo njilinakuziva cizemo cove kuli vanu va Njambi voshe nakukulaela kwove ulinakwo muli Mwene Yesu,

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

1 Yowano 3:14

Tunazivuka ngwetu tunatundu mu kutsa tunakovela mu mwonyo, tunazivuka cuma eci omwo tulinakuzema vakwetu. Vaje kuvesi kuzema anga vacili mwisi ya nzili ya kutsa.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.

1 Yowano 4:16

Co yetu vavenya tunazivuka nakukulaela cizemo cije Njambi alinaco ali yetu. Njambi wapwa cizemo, co voshe vaje vayoya mu cizemo vayoya muli Njambi na Njambi ayoya muli vakevo.