Kolose 1:28 - Livulu lya Shukulu Kalunga

²⁸ Ngecivene, tulinakwambulula Kilistu kuli vanu voshe. Na mana oshe tulinakuvanangula nakuvalongesa ngeci tunene umo na umo ku mesho a Njambi ngwe vanu vanakolo muli Kilistu.

Kolose 1:28 Iomraidhean Croise

Ezela 7:25

“Yove Ezela, ngwe ku mana anakwana Njambi yove, unapande kwangula vaka-kwendesa vipangi na maako ngeci vasompe vin̄anda vya vanu voshe vaje vali mu lifuti lya mu Kangombe ka Yambi ka Yufuleti vaje vazivuka Mashiko a Njambi yove. Co lalo na vaje kuvaazivuka unapande kuvalongesawo.

Visimo 8:5

Kanda mukole ndi? Lilongeseni kupwa ngwe vakulunu. Kuma mu vilema ndi? Lilongeseni kukala na mana.

Muka-kwambulula 12:9

Oloni omwo Muka-kwambulula wapwile muka-mana, walongesele vanu vije vyazivukile. Ikeye walilongesele visimo, co welwile vushunga vwavyo.

Njelemiya 3:15

Njikamyana vaka-kushwana vaje vanjononoka, co vakamishika na mana nakuzivisisa.

Njelemiya 6:10

Njakumbulwile ngwange, “Iyajo akanjitolilila nga njendeka kuli vakevo nakuvanangula? Vakevo vapwa vakukaluwa vimbunge nakuvyana kutolilila ku lijwi lyove, vakajolo vije viwukendeka kuli yange.

Ezekiyele 7:10

Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Mako 6:34

Omo Yesu watundile mu vwato, wamwene mbunga yakama, co wavazivilile mema ku mbunge, omwo vapwile ngwe vimanga vakujeneka kanyungi. Ngecivene, washangumukile kuvalongesa vyuma vyavingi.

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Vilinga vya Miluwa 11:20

Oloni vaka-kukulaela vamo, vanalume vatundile ku Sepulasi na ku Silene vaile ku Antyoke vakambulwile lijwi kuli vaje kesi vaYunda lalo, vavalekele Vin̄anda Vyavivwa vya Mwene Yesu.

Vilinga vya Miluwa 13:38

Yeni voshe vavushoko vwange vaIsalele munapande kuzivuka ngeci mwa vushunga muli Yesu mukemwo valinakwambulula kuli yeni muzimbu wakusambesa kwa vivi.

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Vilinga vya Miluwa 17:3

nakuvalumbunwina Visoneka, nakuvamwesa vukaleo vwa kutunda mu visoneka ngeci Wakuvwavesa napande kuyanda nakusanguka ku vatsi. Co Paulu wendekele ngwendi, “Ou Yesu njambulula kuli yeni ikeye vene Wakuvwavesa.”

Vilinga vya Miluwa 20:31

Ngecivene, nyanyameni, co anukeni ngweni mutanya na vutsiki a myaka itatu njalongesele umo na umo weni na misozi yaingi.

Vilinga vya Miluwa 3:20

simbu ya nzili ya munzinzime ikaija kutunda kuli Shukulu Kalunga, co akatuma Yesu, ikeye Wakuvwavesa uje yanamyangwila laja.

Vilinga vya Miluwa 5:42

Co a litangwa na litangwa vakele nakulongesa nakwambulula Vin̄anda Vyavivwa vya Yesu Wakuvwavesa mu Njuvo ya Shukulu Kalunga na mu vinjuvo vya vanu.

Vilinga vya Miluwa 8:35

Asinoni Filipu washangumukile kwendeka, washangumukile na visoneka evi, wamulekele Vin̄anda Vyavivwa vya Yesu.

Vilinga vya Miluwa 8:5

Filipu waile ku nganda ya Samaliya nakwambulula lijwi lya Wakuvwavesa kuli vanu vaje vakele kuje.

Vilinga vya Miluwa 9:20

Co waile ku masinangonge washangumukile kwambulula ngeci Yesu ikeye Muna Njambi.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

1 Kolinte 1:23

Oloni yetu, tulinakwambulula Kilistu wakushukika a cilindakano, muzimbu uje unapu citanukiso kuli vaYunda na vulema kuli vaje kesi vaYunda,

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 12:8

Munzinzime aana munu umo muzimbu wa mana, co umo lalo Munzinzime amwana muzimbu wakuzivisisa.

1 Kolinte 15:12

Ololo, nga lijwi lyetu linapu ngeci Kilistu wasangukile ku vatsi, vati vamo veni vendeka ngwavo vatsi kuvakasangukila ku mwonyo?

1 Kolinte 2:15

Woshe uje ali na Munzinzime asa kuseteka seo ya vyuma vyoshe, oloni naumo wai asa kumuhisa.

1 Kolinte 2:6

Oloni njambulula muzimbu wa mana kuli vaje vanakolo mu munzinzime. Oloni kesi mana aje anakundama muno mu kaye nambe ku vaka-kushwana va kaye kano, vaka-kushwana vaje nzili yavo ilinakuvatunda.

1 Kolinte 4:14

Njinasoneka evi vyuma, kesi ngwe njimizivise shwamwa embwe, oloni kumilongesa ngwe vana vange vanjazema.

2 Kolinte 10:14

Omwo yeni mwakundama ku vipangi vije, co kutwasele lalo kuvijomboka omo twakele nakwija kuli yeni nakunena Vin̄anda Vyavivwa vya Kilistu.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Efeso 5:27

ngeci akemike cikungulukilo ku mesho endi mu vuvwa vwaco vwoshe, cakujela nakujeneka mulonga, nambe kapenga kamo, nambe ka mucinya nambe ka cuma keka kakucijwalesa.

Kwituluka mu Mashiko 4:5

“Njinamilongesa mashiko oshe, ngwe muje mwanjishikile Shukulu Kalunga Njambi yange ngeci mukawononoke mu lifuti lije limukakovela nakulishwana.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

Kolose 2:10

co akukala muli ikeye, yeni vanamyana kushula kwa mwonyo. Ikeye napu mutwe wa minzinzime yoshe ije ilinakushwana na vaka-moko yoshe.

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

VaHevelu 10:14

Ngecivene, a n̄ombelo imo, najelesa voshe vaje vanajele ku vuvi.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

2 Petulu 3:15

Kengeni ku lukakateya lwa Mwene yetu ngwe ku simbu yanamyana ngeci mukovoke, ngwe muje mwamisonekelele Paulu musamba wetu itwazema, mukupangesa mana aje amwanene Njambi.