Kolose 1:27 - Livulu lya Shukulu Kalunga

²⁷ Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 1:27 Iomraidhean Croise

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Luka 17:21

Naumo wai akendeka ngwendi, ‘Kengeni, vuno vulikuno!’ Nambe, ‘Kengeni, vuje vulikuje!’ Omwo Vumwene vwa Njambi muli navwo akati keni.”

Yowano 14:17

Ikeye Munzinzime wa vushunga, uje asholola vushunga vwa Njambi. Vaka-kaye kuvasa kumutambula, omwo kuvasa kumumona nambe kumuzivuka. Oloni yeni mumuzivuka, omwo wakala neni, co ali muli yeni.

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 17:26

Njasholwele lizina lyove kuli vakevo, co anga njikalisholola, ngeci cizemo cije wanjizema naco cikale muli vakevo, co nange njikale muli vakevo.”

Yowano 6:56

Woshe alya muvila wange nakunwa maninga ange akala muli nange, co yange njikala muli ikeye.

Loma 11:33

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

Loma 8:10

Oloni nga Kilistu ali muli yeni, nameme mivila yeni inapu ya kutsa omwo vuvi, oloni Munzinzime napu mwonyo muli yeni omwo vanamipwisa vaka-vushunga ku mesho a Njambi.

Loma 9:23

Co lalo washakele kusholola vumpau vwendi vwakama, vuje wetilile ali yetu vaje amwesa mema ku mbunge, yetu vaje navwaesa ngeci tutambule vumpau vwendi.

1 Kolinte 3:16

Mwa vushunga mwazivuka ngeci munapu Njuvo ya Shukulu Kalunga na Munzinzime wa Njambi alinakuyoya muli yeni!

2 Kolinte 2:14

Oloni kukandelela kuli Njambi! Omwo muli Kilistu simbu yoshe ikeye natutwamenena ngwe mbunga ya vinzinda vaka-kuhyana muli Kilistu. Njambi akatupangesa mukulingisa Kilistu ashandoke ngwe lwengo lwaluvwa lwakumuzivuka kwoshe-ikwoshe.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Efeso 2:22

Muli ikeye neni lalo valinakumitunga mumo na vakweni veka ngeci mupwe njuvo ya Njambi ali Munzinzime wendi.

Filipu 4:19

Co Njambi yange akamyana vyuma vyoshe vije mushaka ngwe kukujeneka kweni muli Kilistu Yesu.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

1 Timateo 1:1

Mukanda wakutunda kuli yange Paulu muluwa wa Kilistu Yesu ku lishiko lya Njambi Muyoyesi wetu na Kilistu Yesu ikeye cinyangavili cetu.

VaHevelu 6:19

Tuli na cinyangavili cije ngwe n̄ovo ya cikongo ca mbunge, ikeyo yakukola, yaivwa, ikeyo ipulyasana nanga ije ya mu Njuvo ya Shukulu Kalunga ya mwilu nakukovela ku mulili wakujela,

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.