Kolose 1:26 - Livulu lya Shukulu Kalunga

²⁶ cije capwile cisin̄iko cakushweka ku myaka ya kunima kushwekela vanu voshe, oloni ololo nacisholola kuli vanu vendi.

Kolose 1:26 Iomraidhean Croise

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mateo 20:7

Vamukumbulwile ngwavo, ‘Omwo naumo wai natulanya ku vipangi.’ Ikeye wavalekele ngwendi, ‘Yeni mukapange mu lihya lyange lya mikolovozi ya vushuka vwa vinyu.’

Mako 4:11

Co Yesu wavakumbulwile ngwendi, “Yeni vanamyana kuzivuka vyuma vya Vumwene vwa Njambi, oloni kuli ava vali anja, vakaziva muvinalumbunukila vyuma vyoshe kuvanga na visimo,

Luka 8:10

co Yesu wavakumbulwile ngwendi, “Yeni vanamyana kuzivuka vyuma vya Vumwene vwa Njambi, oloni kuli veka, kuvanga na visimo, ngeci vamone, oloni kuvamonesesa mwamuvwa, co vazive, oloni kuvazivisisa mwamuvwa.

1 Kolinte 2:7

Mana awa njambulula anapu mana a Njambi akushweka, aje vanashwekesela vanu, oloni Njambi waangwile laja ku vumpau vwetu simbu kanda vatange kaye.

Kolose 2:2

Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

Kolose 4:3

Tulombeleleniko netu lalo, ngeci Njambi atwane simbu yaivwa yakwambulula lijwi lyendi, a vyakushweka vya Kilistu. Omwo a cuma eci ngeci yange njili mu kamenga ololo.

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.