Kolose 1:18 - Livulu lya Shukulu Kalunga

¹⁸ Ikeye napu mutwe wa muvila wendi, ukewo cikungulukilo, na nsina ya mwonyo wa muvila. Napu Mwana wa ntwatwa, uje wasangukile kutunda ku vatsi, ngeci ikeye lika napande kupwa wakulivanga mu vyuma vyoshe.

Kolose 1:18 Iomraidhean Croise

Myaso 89:27

Njikamupwisa munange wa ntwatwa, co akapwa wakama ku vimyene voshe va asi.

Myaso ya Solomoni 5:10

Muka-cizemo cange wapwa wamuvwa manene, lalo muvila wendi wapwa wa nzili, endi lika akati ka vanalume 10,000.

Isaya 52:13

Shukulu Kalunga alinakwendeka ngwendi, “Kenga, ngamba yange akavezika mu vipangi vyendi, akapwa wakama, co vanu vakamusingimika manene.

Mateo 23:8

Oloni yeni kuvapandele kumitumbula ngwavo, ‘Mulongisi,’ omwo yeni muli na mulongisi weni umolika, co yeni voshe munapu vasamba kuli umo na mukwavo.

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Yowano 1:1

Akulivanga kwakele Lijwi, co Lijwi lyakele amo na Njambi, co Lijwi lyapwile Njambi.

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 1:27

Ikeye alinakwija munima yange, oloni yange kunjafwililile nameme kuzitula miva ya a vin̄aku vyendi.”

Vilinga vya Miluwa 26:23

ngwavo Wakuvwavesa napande kuyanda nakupwa umo wakulivanga kusanguka ku vatsi nakwambulula ceke cakwovoka kuli vaYunda na kuli vaje kesi vaYunda.”

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

1 Kolinte 11:3

Oloni njishaka muzivuke ngeci Kilistu napu mutwe wa munalume woshe, munalume napu mutwe wa munakazi wendi, co Njambi napu mutwe wa Kilistu.

1 Kolinte 12:27

Yeni voshe munapu muvila wa Kilistu, co munu na munu napu cilyo ca muvila ou.

1 Kolinte 15:25

Omwo Kilistu napande kushika noo Njambi nafungulula vitozi vendi voshe nakuvaka mwisi ya myanja yendi.

Efeso 1:10

Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.

Efeso 5:23

Omwo munalume ali na moko ali munakazi wendi ngwe Kilistu lalo ali na moko a cikungulukilo, co Kilistu vavenya ikeye Muyoyesi wa cikungulukilo, muvila wendi.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

Kolose 2:19

co vanalikela kukakateya kuli Kilistu, uje napu mutwe wa muvila. Ali Kilistu muvila woshe vanaulisa nakuukwatesa amolika omwo a manunga na mishisha, co ulinakukola ngwe muje Njambi ashaka ngeci ukolelemo.

1 Yowano 1:1

Tulinakusoneka kuli yeni a Lijwi lya mwonyo, lije lyakeleko tunde kukushangumuka. Tunalizivi, co tunalimono na mesho etu, eyo, tunalimono, co tunalikwata na mavoko etu.

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:13

Yange wakulivanga na muka-kukotokela, vushangumukilo na mamaneselelo.”

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.