Kolose 1:16 - Livulu lya Shukulu Kalunga

¹⁶ Omwo muli ikeye Njambi watangele vyuma vyoshe vya mwilu nevi vya asi, vyuma vije twasa kumona na vije kutwasa kumona, kwakao na vushwana vwa minzinzime ya ano asi na vashukulu na vaka-kushwana na vaka-moko yakushwana. Njambi watangele vyuma vyoshe muli ikeye na omwo ikeye.

Kolose 1:16 Iomraidhean Croise

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Yowano 1:10

Lijwi lyakele mu kaye. Co nameme Njambi watangele kaye ali ikeye, oloni kaye kukamuzivukile.

Yowano 1:3

Ali ikeye Njambi watangele vyuma vyoshe, co kukwesi cuma civatangele kujeneka ikeye cai.

Loma 11:36

Omwo ikeye watangele vyuma vyoshe, co vyuma vyoshe vilinakuyoya muli ikeye na ali ikeye. Kuli Njambi kukale vumpau ku myaka yoshe! Ewa.

Loma 8:38

Omwo njazivuka ngwange mwa vushunga nacimo cai casa kututundisa ku cizemo ca Njambi, nambe kutsa nambe mwonyo, nambe tungelo nambe vaka-kushwana vakala mwilu nambe vaka-nzili vakala mwilu, nambe simbu ya ololo nambe simbu ya kulutwe,

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

Efeso 1:10

Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.

Efeso 6:12

Omwo kutwesi nakulwa na vanu embwe, oloni tulinakulwa na nzili yavivi vya minzinzime ya a mukambwila na vaka-kushwana na vaka-moko ya kushika na ava vaka-kushwana na nzili mu lisusulungu eli lya myaka ino iliko.

Kwituluka mu Mashiko 4:39

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

Filipu 2:10

Ngecivene, vyuma vyoshe vili mwilu, nevi vili ano asi, nevi vili mwisi ya kaye, vikatsikama a mavuli, mukwana kalemeso lizina lya Yesu,

Kolose 1:15

Kilistu ikeye napu cifwa ca Njambi uje kutwasa kumona. Ikeye Mwana wa ntwatwa, mutwe wa vyuma vyoshe vyakutanga.

Kolose 1:20

Ngecivene, ali Mwana, Njambi wayongwele kwilwisila kaye koshe kuli ikeye vavenya. Njambi wanenele kwoloka a maninga a Munendi a cilindakano, co waambesele vyuma vyoshe kuli ikeye vavenya, vije vili asi na vije vili mwilu.

Kolose 2:10

co akukala muli ikeye, yeni vanamyana kushula kwa mwonyo. Ikeye napu mutwe wa minzinzime yoshe ije ilinakushwana na vaka-moko yoshe.

Kolose 2:15

Co a cilindakano cije Kilistu walipatwile ikeye vavenya kutunda ku nzili ya minzinzime ije ilinakushwana na moko ya vaka-kushika, walingile eci mutanya mwelu kuli vakevo akuvatwamenena ngwe vinzinda mukuhyana kwendi.

VaHevelu 1:2

oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe.

VaHevelu 2:10

Capwile ca vushunga ngeci Njambi, uje watangele nakunyunga vyuma vyoshe, apwise Yesu muka-vushunga a tuyando, mukunena vana vavangi ku vumpau vwendi. Omwo Yesu ikeye lika muka-kuvatwamenena ku kwovoka.

1 Petulu 3:22

uje nai mwilu, co ali ku livoko lya cilyo lya Njambi, alinakushwana akamwa ya tungelo voshe na vaka-moko na vaka-nzili mwilu.