Isaya 9:20 - Livulu lya Shukulu Kalunga

²⁰ Co mu lifuti mwoshe vanu vakanyangula nakulya tuvyakulya tumo tuvasa kuwana, oloni kuvakasa kukuta. Valya nameme vene vana vavo!

Isaya 9:20 Iomraidhean Croise

Muka-kwambulula 4:5

Vilema kuvashaka kupanga, co valanduka ku njala.

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 14:30

Shukulu Kalunga akapwa kanyungi ka vanu vendi vakuutwa nakuvecela ngeci vakale mwamuvwa. Oloni akatuma njala yakukomokesa ya lyangengela ali vamo veni va vaFilisitiya, co vakwavo vakavatsiya.

Isaya 3:1

Shukulu Kalunga, Muka-nzili yoshe, natundisa vyuma vyoshe na vanu voshe vaje vavakulaela mu Yelusalema na mu Yunda. Ikeye akavanyeka vyakulya vyavo na mema avo,

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Isaya 51:19

Tuyando twakama tunaija ali yove, nzita inashandozola lifuti lyove, co vanu vove valinakutsa ku njala. Naumo wai akuzivilako mema ku mbunge.

Isaya 8:21

Vanu vakendangana mu lifuti vakamona kukaluwa na njala. Omo vakaziva njala na vukalu, co vakasinga mwene yavo na Njambi yavo. Vakakenga mwilu,

Isaya 8:22

nakukenga lalo asi, oloni vyai vakamona, vakamona lika tuyando na lisusulungu, lisusulungu lyakuzivisa lyova muje muvakavombila.

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 19:9

Vitozi vakazengeleka nganda kweseka kutsiya vanu vamwo. Co kuzengeleka kuje kukapwa kwakukomokesa ngeci vanu va mukati ka nganda, munu akalya munu mukwavo, nameme vana vavo vavenya.’ ”

Mbimbi 4:10

Tuyando twakama tuje twezile ali vanu vange twavanenelele tuyando twakukomokesa, visemi va vanakazi vatelekele vana vavo kupwa vyakulya vyavo.

Mika 6:14

Mukalya, oloni kumukakuta. Co simbu yoshe mukakala na njala. Mukatulika vyuma, oloni kumukasa kuvinyunga, coshe cimukatulika njikacinyongesa mu nzita.

Zakaliya 11:9

Asinoni njendekele ku vutanga ngwange, “Kunjikapu lalo kanyungi keni. Co vaje vatsa vatse ngano. Na vaje vanyonga vanyonge ngano. Co vaje vakasalao vakalinyongesa umo na mukwavo.”

Mako 3:24

Nga vumwene vulyangunuka mu vimunga vije vililwisa akati kavyo, vumwene vuje vukanyonga.