Isaya 9:18 - Livulu lya Shukulu Kalunga

¹⁸ Vuvi vwa vanu vushukuma ngwe tuhya twenyeka mambimbo na mishwena. Vushukuma ngwe likuna lya mu shwata lije lilinakwezoka milangi ya tuhya.

Isaya 9:18 Iomraidhean Croise

1 Vimyene 16:21

Co vanu va Isalele valipangele, vamo vashakele Timbeni muna Nginate apwe mwene, oloni vakwavo vashakele Omeli.

Myaso 37:20

Oloni vaka-vuvi vakanyonga, co lalo vitozi va Shukulu Kalunga vakaziluka ngwe vishani, vakahwa ngwe vwisi, co kuvakavamono lalo embwe.

Myaso 68:2

Akavatundisa ku mesho endi, ngwe muvukapekumuka vwisi, Njambi akanyongesa vaka-vuvi, ngwe muyikanyongolokota sela mu tuhya.

Myaso 83:14

Ngwe tuhya twenyeka shwata ngwe milangi ya tuhya ishwameka malundu,

Isaya 1:31

Ngwe vulimu vwenya na tuhya twa vishashe, ngecivene, vantwama vove vaka-nzili vilinga vyavo vya vuvi vikavanyongesa, co naumo wai akavakwasa omo vanyonga.

Isaya 1:7

Lifuti lyeni linemuka mambo, co vinganda vyeni vanavyenyeka. Vaka-kwija vanamitambula lifuti lyeni oku munavakengelela.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 27:4

Kunjikaluvala lalo na citungu ca mikolovozi ya vushuka vwa vinyu. Oloni nga mambimbo na mishwena vikamenamo, co njikacenyeka coshe njwa.

Isaya 3:5

Co vanu vakakala na muuka ku umo na mukwavo. Vakwenje kuvakasingimika vakulunu vavo, co vikolokomba kuvakasingimika vantwama vavo embwe.

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 33:12

Mukatsenozola ngwe mamanya venyeka mukulinga memba, ngwe mambimbo enya kupwa lito.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Isaya 50:11

Yeni voshe vaje vali na vutumbe vwakunyongesa vakweni, matumbe eni akaminyongesa yeni vavenya. Shukulu Kalunga akamona ngeci vyuma evi vilingiwa, mukayanda tuyando twakama.

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Njwele 2:20

Yange njikatundisa vinjame vya vimbimba vaje vatundile ku kunto, njikashekela vamo mu mambo. Co njame yavo ya kulutwe njikaishekela ku Lishali lya Kutsa, co njame yavo ya munima njikaishekela ku Lishali lya Menditelenyani. Mivila yavo ya kutsa ikanika, njikavanyongesa omwo vyoshe vije vivalingile kuli yeni.

Njwele 2:3

Vakevo vakalya vimena ngwe likuna. Lifuti eli lyapwile ngwe Lihya lya Endeni simbu te kanda vaciije, oloni omo vanalifungulula linapu oni ngwe mambo yangoco, nacimo cai civasezeleo.

Amose 7:4

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti.

Ovandiya 1:18

Vanu va Yakomba na vanu va Yosefa, vakapwa ngwe tuhya, vakanyongesa vanu va Isau, ngwe tuhya twenyeka vishati. Naumo wai mutekulwila wa Isau akayoya. Yange Kalunga, njinendekamo.

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.

VaHevelu 6:8

Oloni nga kulinakwima mishwena na shaku, co kulyesi na seo yai, lili mu vushonde vyakusingiwa kuli Njambi, co vakalyenyeka na tuhya.

Kujombolola 14:11

Co vwisi vwa tuhya twa n̄avava yavo yakama vukalonda mwilu ku myaka na myaka. Co kukukakala simbu yakuhwima mutanya nambe vutsiki kuli voshe vaje valemesa uje cikashama na kamponya kendi na kuli woshe uje ali na cizivukiso ca lizina lyendi.”