Isaya 8:7 - Livulu lya Shukulu Kalunga

⁷ yange Kalunga, njikanena mwene wa Asilya na mashwalale vendi voshe ngeci vakulwise Yunda. Vakaija ngwe livazi lya mema a mu Ndonga ya Yufuleti, aje ajalela ku ngenge yayo yoshe.

Isaya 8:7 Iomraidhean Croise

Kushangumuka 6:17

Kenga, njikatuma livazi lyakama ano asi mukunyongesa vyoshe vije viyoyao. Vyuma vyoshe vili ano asi vikatsa,

2 Vimyene 19:32

“Omu mukemwo mwanendeka Shukulu Kalunga ali mwene wa vaAsilya ngwendi, ‘Kakakovela mu nganda eyi, nambe kwashamo mukili umo embwe. Kukwesi mashwalale vali na vintelo vakaija kuyehi na nganda eyi, nambe kuzengelekako cimpaka.

Ezela 4:10

amo na vanu vakwavo vaje vakwatele Ashulembanipale munalume uje wapwile wakama wa nzili ikeye wavatundisile ku membo avo, co wavaakele mu nganda ya Samaliya na mu lifuti lya mu Kangombe ka Yambi ka Yufuleti.”

Myaso 46:4

Kuyili ndonga ije ivwaelelesa nganda ya Njambi, ije ivwaelelesa mwela wakujela kuje kwakala wa Akamwa ya Akamwa.

Myaso 72:8

Vumwene vwendi vukashangumukila ku mema a kalunga, vuketa na ku mema a kalunga akwavo. Vumwene vwendi vukatunda ku Ndonga ya Yufuleti nakweta ku shongo ya kaye.

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 11:15

Shukulu Kalunga akomisa Linema lya Suwezi, co akasana lihunzi lya ntwima kumisa cau Ndonga ya Yufuleti, kukasala lika vana va vindonga vatanu na vavali, ngecivene, munu woshe akasa kujavuka.

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 28:17

Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 59:19

Kutunda mu ngangela nakweta mu kangombe ka yambi, vanu voshe vakakomoka vukama vwa nzili yendi. Akaija ngwe mema a cingungu-muta, ngwe lihunzi lyakama.

Isaya 7:17

“Shukulu Kalunga akanena ali yove, na ali vanu vove, na ali naanga yoshe ya vumwene, matangwa a tuyando twakama kutuvakana matangwa a tuyando aje akeleko tunde aje vwalitepesele vumwene vwa Isalele na Yunda, ikeye akanena mwene wa Asilya ngeci akumilwise.

Isaya 7:20

“A litangwa lije, Shukulu Kalunga akalanya muka-kuteula wa musambwa ya Ndonga ya Yufuleti mwene wa vaAsilya! Co ikeye akamiteula minjezi yeni na vin̄ambu vya ku mitwe yeni, na maka aa mivila yeni.

Njelemiya 47:2

Wendekele ngwendi, “Kenga, mema alinakukatuka ku kunto, akapwa ngwe ndonga yakujalela. Akakupula lifuti na vyoshe vilimo, na vinganda na vanu vaje valinakukalamo. Vanu vakatambeka ngeci vavakwase, voshe vaje vakala mu lifuti vakatendeka manene.

Njelemiya 51:42

Mema a kalunga anafwiki Mbambilone, nakuyifwika lalo na mankimba akucuma.

Ezekiyele 26:19

Shukulu Kalunga wa Akamwa ya Vyoshe alinakwendeka ngwendi, “Njikakupwisa ngundu ngwe vinganda vyakunyonga muje naumo wai wakalamo. Njikakufwika na mema a kalunga a nzinga yakulova.

Ndanyele 11:10

“Vana va mwene wa Silya vakalivwaesela kulwa nzita, co vakakungulula mashwalale vavangi. Umo wavo na mashwalale vendi vakakovela mu lifuti ngwe livazi, co vakalwisa cimpaka ca vitozi vavo.

Ndanyele 11:22

Woshe akamuyeluwisa nameme vene Muka-kukombelela Wakama wa Njambi vakamunyongesa.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Amose 8:8

Ngecivene, asi akajaja, co munu woshe ali mu lifuti akalinyenga. Lifuti lyoshe likajaja, likakatuka nakunyekumuka ngwe muyikalingi Ndonga ya Nailo.

Amose 9:5

Shukulu Kalunga wa Akamwa ya Vyoshe ikeye akwata asi oshe, co asi ajaja, co voshe valiho valinyenga na vusiwa. Kaye koshe kakajalela nakunyekumuka ngwe Ndonga ya Nailo.

Mika 1:9

Vimbandu vya vaka-Samaliya kuvasa kuvisaka. Yunda na ikeye ashaka kuvinja vimbandu vyakulifwa, tuyando tunete laja mu vikolo vya Yelusalema, kuje kuvakala vanu vange.”

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Mika 5:5

co ikeye akanena kwoloka. Omo vaAsilya vakazengeleka lifuti lyetu nakuvujula vivumbe vyetu, co tukalanya vantwama vetu va nzili ngeci vakuvalwise.

Nahumi 1:8

Akanyongesa vitozi vendi njwa ngwe mulikajalela livazi, atwala ku kutsa vaje vamuyeluwisa.

Luka 6:48

Nalifu ngwe munalume watungile njuvo yendi, wendile nakulovesa luvula a limanya. Livazi lyezile lyapupile kuje ku njuvo, oloni kuyaningangele, omwo luvula lwaije njuvo lwakele a limanya.

Kujombolola 17:15

Co kangelo wendekele lalo kuli yange ngwendi, “Mema aje awamwene, aje anatumbama uje cikwizi, anapu miyati, vanu, mafuti na vindaka.