Isaya 8:21 - Livulu lya Shukulu Kalunga

²¹ Vanu vakendangana mu lifuti vakamona kukaluwa na njala. Omo vakaziva njala na vukalu, co vakasinga mwene yavo na Njambi yavo. Vakakenga mwilu,

Isaya 8:21 Iomraidhean Croise

2 Vimyene 25:3

A litangwa lyamucitanu na awana ku ngonde yamuciwana ku mwaka uje vene, omwo njala ya lyangengela yapwile yakama manene ngeci vanu kuvakele na vyakulya,

2 Vimyene 6:33

Omo kanda acimanese kwendeka evi, co katumwa ka mwene wetele, wendekele ngwendi, “Shukulu Kalunga ikeye nanene vukalu vwoshe ovu ali yetu! Vikajo njimuvandamena ngeci atukwase?”

Yombi 1:11

Oloni nga utundisa vyuma vyoshe evi vyalinavyo, co akakushaula citona-mesho!”

Yombi 18:12

Ikeye wapwile muka-kufuka, oloni ololo napu muka-njala, tuyando tunamuvandamena kuyehi nendi.

Yombi 2:5

Oloni ololo aceseke kukwata ku muvila wendi, co akakushaula citona-mesho!”

Yombi 2:9

Munakazi wendi wendekele kuli ikeye ngwendi, “Anga na ololo ucikakateya ku vushunga vwove ndi? Omwo vika kuushaula Njambi ngeci utse?”

Kutuuka 22:28

“Kesi mwendeke mwamuvi ali Njambi, co lalo kesi musinge ntwama wa vanu veni.

Visimo 19:3

Vanu vamo vakaliviisa vakevo vavenya na vilinga vyavo vya vulema, co kutundao valuvalela Shukulu Kalunga.

Isaya 14:30

Shukulu Kalunga akapwa kanyungi ka vanu vendi vakuutwa nakuvecela ngeci vakale mwamuvwa. Oloni akatuma njala yakukomokesa ya lyangengela ali vamo veni va vaFilisitiya, co vakwavo vakavatsiya.

Isaya 51:19

Tuyando twakama tunaija ali yove, nzita inashandozola lifuti lyove, co vanu vove valinakutsa ku njala. Naumo wai akuzivilako mema ku mbunge.

Isaya 59:9

Vanu valinakwendeka ngwavo, “Ololo twazivuka omwo vikajo Njambi katwamenene kuli vaje valinakutuyandesa. Twakele na cinyangavili cakwendela mu ceke, oloni kuli lika lisusulungu,

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Isaya 9:20

Co mu lifuti mwoshe vanu vakanyangula nakulya tuvyakulya tumo tuvasa kuwana, oloni kuvakasa kukuta. Valya nameme vene vana vavo!

Isaya 9:21

Vanu va Manase na vanu va Efalime valinakulilwisa vakevo vavenya, co vatenguluka nakulwisa Yunda. Oloni nameme ngoco, vukalu vwa Shukulu Kalunga kuvukahu, anga nolola livoko lyendi mukuhisa.

Njelemiya 14:18

Omo njiya mu mahya njimona mivila ya vaje vatsililile mu nzita, omo njikovela mu membo, co njimona vanu valinakulanduka ku njala. Oloni vaka-kwimanena na vaka-kukombelela valinakupanga vipangi vyavo, kuvazivuka vije vilinakulingiwa.”

Njelemiya 52:6

Co a litangwa lyamucitanu na awana ku ngonde yamuciwana mu mwaka uje vene, omo njala ya lyangengela yapwile yakama manene mu nganda, ngeci vanu kuvakele na vyakulya,

VaLevi 24:11

Co omo vakele nakulijokota, ikeye washawile nakusinga lizina lya Njambi. Co vamutwalele kuli Mosesa,

1 Samwele 8:18

A litangwa lije, mukatatoka manene omwo mwene yeni uje imunalyangwila, oloni Shukulu Kalunga kakatolilila kukulinyenga kweni embwe.”