Isaya 8:19 - Livulu lya Shukulu Kalunga

¹⁹ Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Isaya 8:19 Iomraidhean Croise

Kushangumuka 41:24

Co mitwe ije yakwekwiya yaminine ije yakulongela mwamuvwa. Njalekele vinjozi vyange kuli vaka-manseno, oloni naumo wai wasele kunjinungulwilavyo.”

2 Vimyene 1:3

Oloni kangelo ka Shukulu Kalunga washikile Elinja, muka-kwimanena wa ku Tisheve, kuya nakuliwana na miluwa va Mwene Ahaziya nakuvehula ngwendi, “Omwo vikajo mukehwila Mbalezevuve njambi wa Ekelone? Yeni mwayongola ngweni mu Isalele kumwesi Njambi ndi?

2 Vimyene 21:6

Ikeye wakombelelele munendi wa munalume kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

2 Vimyene 23:24

Akukolesa mashiko aje avasonekele mu livulu lije lyawanene Hilikiya Muka-kukombelela Wakama mu Njuvo ya Shukulu Kalunga, Mwene Yosiya watundisile mu Yelusalema na mu Yunda vanu voshe vaka-kwendeka na vakulu na vaka-kulukiya na vinjambi voshe va mu vinjuvo na tumponya na vivala vyoshe vije vivalemeselele vaje vaka-kujeneka kukulaela.

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Myaso 106:28

Vanu valemesele njambi lizina lyendi Mbale-Peole, co valile vin̄ombelo vivakombelelele ku vinjambi va kutsa.

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 26:14

Vaje vitozi vanatsi voshe, vanatsi kuvakasanguka lalo, unavahisa, co vananyongo, naumo wai lalo akavanuka.

Isaya 29:4

Yelusalema ikapwa ngwe ndumba ya munu ali na kwendeka oku ali mwisi ya livu, na lijwi lyakuyeveta kutundilila mu livu.

Isaya 30:2

Vakai ku Ingito mukulomba vukwasi kujeneka kwihula kunangula kwange. Vashaka Ingito ivanyunge, co vaaka kukulaela kwavo muli mwene wa Ingito.

Isaya 45:11

Shukulu Kalunga, Njambi wakujela wa Isalele, uje muka-kuvwaesa vyuma vya kulutwe, alinakwendeka ngwendi, “Kumwapandele kunjihula ali vana vange, nambe kunjileka vinjinapande kulinga!

Isaya 47:12

Manseno ove oshe na mikalo yove, vije viwapangesele tunde ku vukwenje vwove, amo vikakukwasa, nakuzivisa lyova vitozi vove.

Isaya 47:13

Unalijukisa yove vavenya, akwihula vaka-kulilongesa vingongonosi, na vaka-kwambulula vyuma vya kulutwe, ngeci vakunangule ngonde na ngonde. Yako ukavehule vakuleke vije vikalingiwa ali yove.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 27:9

Kesi mutolilile kuli vaka-kwimanena veni, nambe kuli munu umo uje endeka ngwendi asa kulumbununa vyuma vya kulutwe, nambe a vinjozi, nambe akusana minzinzime ya vatsi, nambe a manseno a vulozi. Voshe vamileka ngwavo kesi mulikeese kuli mwene wa Mbambilone.

VaLevi 19:31

“Kesi mukaye kuli vanu vaje valinakwendeka na minzinzime ya vatsi. Nga mulingamo, co mukalijwalesa yeni vavenya. Yange njapwa Kalunga Njambi yeni.

VaLevi 20:6

“Nga munu umo aya mukwihula kuli vanu vaje vakendeka na minzinzime ya vatsi, njikamukengesa nima, co kunjikamulava lalo kupwa munu wange.

Mika 5:12

Njikanyongesa vyemba vyeni, co kumukakala lalo na vimbanda.

Vilinga vya Miluwa 16:16

Omo twakele nakuya ku mutambela wakulombelela, twaliwanene na mumbanda wa ndungo uje wakele na munzinzime wakujwala wakuumikiya vyuma vya kulutwe. Co wavafukisile manene vakuku yendi vaje vamufukile mukuumikiya kwendi.

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,

Kwituluka mu Mashiko 18:11

nambe vakakulaele mikalo, nambe vakapwe vaka-kwendeka na minzinzime ya vatsi.

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

2 Petulu 2:1

Oloni ku san̄ulu kwasholokele vaka-kwimanena va makuli akati ka vanu, co mu cifwa eci vene, valongisi va makuli vakasholoka lalo akati keni. Vakevo vakanena vilongesa vyavivi vyakunyongesa vyakujeneka vushunga, nakuvyana Shukulu yavo uje wavovwele, co vakalinenela vakevo vavenya kunyonga kwa vwasi-vwasi.

1 Samwele 28:11

Asinoni uje munakazi wamwihwile ngwendi, “Iyajo injikunenela?” Co Saulu wamukumbulwile ngwendi, “Samwele.”

1 Samwele 28:16

Co Samwele wendekele ngwendi, “Omwo vikajo unjisanena nga Shukulu Kalunga nakuvyana, co nemuka citozi cove?

1 Samwele 28:7

Asinoni Saulu washikile vamyata vendi ngwendi, “Njishakezekeleni munakazi muka-kwendeka na vakulu, ngeci njiyeko nakumwihula.” Co vamukumbulwile ngwavo, “Kwali umo mu Endole.”

1 Samwele 28:8

Ngecivene, Saulu walimwisile ngwe weka, wazalele vuzalo vweka, co a kavwivwivwi waile na vanu vendi vavali nakumona uje munakazi. Co Saulu wendekele kuli uje munakazi ngwendi, “Njihwileko ku minzinzime, co unjileke evi vikalingiwa. Sana munzinzime wa munu uje injitumbula lizina lyendi.”