Isaya 8:16 - Livulu lya Shukulu Kalunga

¹⁶ Yeni vandongisi vange, munapande kunyanyama nakunyunga majwi aje ananjana Njambi.

Isaya 8:16 Iomraidhean Croise

2 Vimyene 11:12

Yehoyanda watwalele Yowashe anja, wamuzikile cilongo ku mutwe wendi, co wamwanene livulu lya mashiko a vumwene. Asinoni vavwavesele Yowashe mazi nakumutumbula mwene. Co vanu vakandelelele nakutambeka ngwavo, “Mwene ayoye myaka yoshe!”

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Ndanyele 12:4

Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mako 10:10

Co omo velukile mu njuvo, vandongisi vehwile Yesu a vin̄anda evi.

Mako 4:34

Ikeye kendekele navo ngoco kuvanga na visimo, oloni omo wakele endi lika na vandongisi vendi, walumbunwine vyuma vyoshe kuli vakevo.

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

Kwituluka mu Mashiko 4:45

Ovu vukevwo vukaleo, na mashiko, na vilongesa vije Mosesa waanene kuli vanu va Isalele omo vanatundu laja mu Ingito.

VaHevelu 3:5

Mosesa wapwile wa kulongwa mu njuvo ya Njambi ngwe ngamba, co wendekele vyuma vije vyakendeka Njambi kulutwe.

Kujombolola 10:4

Vwasi-vwasi omo vikeyo vyendekele, aje vene njashakele kusoneka, oloni njazivile lijwi lyendeka kutunda mwilu ngwalyo, “Nyunga mu mbunge yove lika vije viinendeka evi vililimo vitanu na vivali, kesi uvisoneke!”

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

Kujombolola 5:1

Co njamwene livulu lyakuzenga mu livoko lya cilyo lya uje watumbamene a litanda, lije livasoneka anja na mukati, co valishokele na tusateso tutanu na tuvali.

Kujombolola 5:5

Asinoni umo wa vaje vakulunu wendekele kuli yange ngwendi, “Kesi ulile. Kenga! Ndumba wakutunda ku muyati wa Yunda, naanga yakama ya kuli Ndaviti, ikeye nahyana, co asa kuvatula tusateso otu tutanu na tuvali nakufukula eli livulu.”