Isaya 8:13 - Livulu lya Shukulu Kalunga

¹³ Anuka ngeci yange Kalunga Muka-nzili yoshe, njapwa wakujela, yange lika imunapande kukomoka.

Isaya 8:13 Iomraidhean Croise

Kushangumuka 31:53

Njambi ya Avilahama na Njambi ya Nahole, ikeye Njambi akasompa akati ketu.” Co Yakomba walisingile mukunyunga cikumiiyo mu lizina lya Njambi uje yalemesele ishe Isake.

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

Kutuuka 20:20

Co Mosesa wavakumbulwile ngwendi, “Kesi muzive lyova, Njambi naija lika nakumilingisa ngeci mutwaleleo kumukomoka kesi mukalinge vuvi.”

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Ezekiyele 38:16

Ukalwisa vanu vange va Isalele ngwe kankumba kafwika lifuti. Omo simbu ikaija, njikakutuma ukakovelele lifuti lyange ngeci miyati vakanjizivuke, mukumwesa kujela kwange a vije vinjilinga muli yove.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

VaLevi 22:32

Kesi mukashawise lizina lyange lyakujela. Vanu voshe vaIsalele vanapande kuzivuka ngeci yange njapwa wakujela. Yange njapwa Kalunga, yange muka-kumijelesa.

Malakiya 2:5

“Cikumiiyo cange na Levi, cije capwile ca mwonyo na kwoloka njamwanenevyo, ngeci anjikomoka. Co wanjikomokele nakukomoka lizina lyange.

Kulava 27:14

Omo mbunga yoshe valinyenyetelele ali yange kuje ku mema a ku Meliva, yeni muvuvali vweni mwatengulukilile kushika kwange muje mu mambo ya Zine, omwo yove wavyanene kusholola nzili yange yakujela ku mesho avo.” Mema a ku Meliva akele ku Kandeshe muje mu mambo ya Zine.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Luka 12:5

Njimileka uje imunapande kukomoka. Komokeni Njambi, uje omo namenesa kutsiya, co ali na moko yakumumbila mu Mbulu ya tuhya. Eyo, njimileka ngwange, ou ikeye imunapande kukomoka!

Loma 4:20

Kapelyangelele mukukulaela kwendi, co kakele na vimata a cikulaeso ca Njambi, oloni wakulaelele manene, co washangazalele Njambi.

Kwituluka mu Mashiko 14:23

Co mukavilila ku mwela wakulemesela uje waangula Shukulu Kalunga Njambi yeni. Co kuje mukalya cavulikumi ca vimbuto vyeni, na vinyu, na mazi a olive, na vingombe veni vakulivanga kusemuka, na vimanga veni vakulivanga kusemuka. Mukalinga eci ngeci mukalilongese kusingimika Shukulu Kalunga Njambi yeni simbu yoshe.

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

1 Samwele 11:7

Wambatele vingombe vavali vakulimisa, wavavatozwele vipuka-vipuka, co wavyanene kuli vaje miluwa vavitwale mu lifuti lyoshe lya Isalele nakuvanangula ngwendi, “Woshe uje kakava Saulu na Samwele ku nzita vakalinga ngacije ku vingombe vendi vakulimisa!” Co vanu va Isalele vakele na lyova a vije vyalingile Shukulu Kalunga, co voshe vezile, na mbunge imolika.