Isaya 7:4 - Livulu lya Shukulu Kalunga

⁴ Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Isaya 7:4 Iomraidhean Croise

2 Vimyene 15:27

Mu mwaka wamumakumi atanu na ivali omo Uziya wapwile mwene wa mu Yunda, Peka muna Lemaliya wapwile mwene wa mu Isalele, washwanene mu Samaliya myaka makumi avali.

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

Isaya 10:24

Shukulu Kalunga Muka-nzili yoshe wa Akamwa ya Vyoshe endeka ku vanu vendi vaje vakala mu Siyone ngwendi, “Kesi muzive lyova lya vaAsilya, nameme vamiyandesa ngwe muvamiyandesele va Ingito.

Isaya 30:15

Shukulu Kalunga wa Akamwa ya Vyoshe, Njambi Wakujela wa Isalele, nendeka kuli vanu ngwendi, “Mukutenguluka namukuhwima mukemwo mumukawana mwonyo, co mu kwoloka namukukulaela mukemwo mumukawana nzili.

Isaya 30:7

Ingito kuyasa kumikwasa, omu mukemwo njashendumuna Ingito ngwange, ‘Candza-ngombe Wa Vushungu.’ ”

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 37:6

wamukumbulwile ngwendi, “Shukulu Kalunga nakuleka ngwendi kesi utave vaAsilya vakutewese na lingwavo lyavo ngeci ikeye kasa kumyamena embwe.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 7:1

Omo Mwene Ahaze muna Yotame mutekulu wa Uziya washwanene mu Yunda, co kwakele nzita. Mwene Lezine wa Silya, na Peka muna Lemaliya mwene wa mu Isalele, valwisile Yelusalema oloni kuvaifungulwile.

Isaya 7:8

Omwo vikajo? Omwo Silya kuyesi na nzili yakutuvakana Ndamasiku nganda yayo yakama, co lalo Ndamasiku kuyesi na nzili yakutuvakana Mwene Lezine. Ngeci ali Isalele ni, omo kwita myaka makumi atanu na umo na myaka itanu, vakashandoka kuyikapu lalo muyati.

Isaya 7:9

Isalele kuyesi na nzili yakutuvakana Samaliya nganda yayo yakama, co samaliya kuyesi na nzili yakutuvakana Mwene Peka. “Nga kukulaela kweni kucikakolesa, co kumukakolesa embwe.”

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Isaya 8:6

“Omwo vanu ava vanavyana mema a mu Shiloahe aje enda mwamuvwa nakuziva lyova ku mesho a Mwene Lezine na Mwene Peka,

Mbimbi 3:26

ngecivene, cinapu cacivwa kuli yetu kumuvandamena nakusimpa ngeci atwamene.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 24:6

Mukaziva vinzita na lingwavo lya vinzita, oloni kesi mukajujuke. Omwo vyuma evi vinapande kusholoka, oloni kuvilumbununa ngeci kukotoka kwa kaye kunete.

Kwituluka mu Mashiko 20:3

‘Tolilileni yeni vaIsalele! Ku litangwa lya lelo mulinakuya ku nzita. Kesi muzive lyova lya vitozi veni, nambe mulijujukile mu vimbunge vyeni, nambe kuvupuka,

1 Samwele 17:32

Ndaviti wendekele kuli Saulu ngwendi, “Yove shukulu, kucapandele munu atewe uje kaFilisitiya! Yange njiya njikalwa nendi.”