Isaya 7:13 - Livulu lya Shukulu Kalunga

¹³ Isaya wamukumbulwile ngwendi, “Tolilileni yeni vatekulwila va Mwene Ndaviti. Mwamuvi manene kupesa vanu, kuma mushaka lalo kupesa Njambi ndi?

Isaya 7:13 Iomraidhean Croise

Kushangumuka 30:15

Leya wamukumbulwile ngwendi, “Kuma kuwapwisilemo omo wanjitambula munalume wange ndi? Co ushaka lalo njikwane mandeleke a munange.” Lakele wamukumbulwile ngwendi, “Nga unjanako mandeleke a munove, co vutsiki vwa lelo Yakomba akaija mu njuvo yove.”

2 Mizimbu 21:7

oloni Shukulu Kalunga katavele kunyongesa vumwene vwa Ndaviti embwe, omwo walingile laja cikumiiyo na ngamba yendi Ndaviti ngeci vatekulwila vendi vakashwana simbu yoshe.

Myaso 45:5

Mikili yove yapwa yakuvambuka, ikeyo itiva vimbunge vya vitozi vove, miyati ya vanu valundumuke ku mendi ove.

Isaya 1:14

Yange njazinda Viwano vyeni vya Kutenama kwa Ngonde na matangwa eni akujela, vinapu vyuma vije vinanjipese manene.

Isaya 1:24

Ngecivene, ololo tolilila kuli vije vyendeka Shukulu Kalunga Muka-nzili yoshe, Njambi ya Isalele muka-kushwana wa nzili ngwendi, “Njikalinga shambandinga ali yeni vitozi vange, co kumukanjinenela lalo tuyando.

Isaya 22:22

Njikamwana sapi ya vumwene vuje vwakundama ku naanga ya Mwene Ndaviti. Naumo wai akashokolola cije cashoka, co lalo naumo wai akashoka cije ashokolola.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 43:24

Kumwanjilandelele insense, nambe kunjana litambelo lyalivwa lya tusitu tweni va n̄ombelo. Oloni mwanjizeyesa na vuvi vweni, mwanjizeyesa na vivulumuna mwalingile.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Isaya 7:12

Ahaze wakumbulwile ngwendi, “Kunjilombo cimweso embwe, kunjishaka kweseka Shukulu Kalunga.”

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

Njelemiya 21:12

“Tolilileni ku evi njendeka yange Kalunga. A litangwa na litangwa sompeni mwa vushunga. Ameneni vaje vavanevila vyavo kuli vaje valinakuvayandesa. Kutewa vukalu vwange vukashwama ngwe tuhya tuje naumo wai asa kutuzima, omwo a vuvi vuje mulinakulinga.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Njelemiya 6:11

Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Ezekiyele 16:20

“Co lalo watambwile vana va vanalume na ava va vanakazi vaje vawanjikitilile nakuvakombelela kupwa n̄ombelo ku tumponya. Kuma kucapwile cacivi manene kujeneka kulongwa kuli yange,

Ezekiyele 16:47

Kuma yove kuwapwisilemo kukava vingila vyavo, nambe kulinga vilinga vyavo vya vunyengwe vije vivalingile? Oloni mu kasimbu kakandondo lika, yove walingile vyavivi kutuvakana vije valingile vakevo.

Ezekiyele 34:18

Vamo veni kuvapwisilemo kulya mwila wauvwa, mulinakulyatangela mwila uje kumushaka kulya! Munwa mema amavwa, co muvundula aje kumushaka kunwa!

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Amose 3:13

Tolilileni, co nanguleni vatekulwila va Yakomba,” mwanendeka Shukulu Kalunga wa Akamwa ya Vyoshe Muka-nzili yoshe.

Malakiya 2:17

Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”

Kulava 16:13

Kuma kucapwilemo omo watutundisile mu lifuti lyalivwa lya vwilo, nevi vyakujenekamo vyai nakututsiila muno mu mambo ndi? Co ucishaka lalo kulipwisa yove vavenya mwene yetu ndi?

Kulava 16:9

Kuma munayongola ngweni cinapu cuma cacindondo, omo Njambi ya Isalele namyangununa mu mbunga ya Isalele, ngeci yeni mwase kushwenya kuli ikeye nakupanga vipangi mu Mbalaka Mwakuliwanena nakwimana ku mesho a mbunga nakuvapangela ndi?

Luka 1:69

Natwana Muyoyesi wa nzili, mutekulwila wa ngamba yendi Ndaviti.

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

VaHevelu 3:10

Ngecivene, njaluvalele na vanu vaje, co njendekele ngwange, ‘Visimbu vyoshe kuvesi nakwononoka, valinakuvyana kwononoka mashiko ange.’