Isaya 7:1 - Livulu lya Shukulu Kalunga

¹ Omo Mwene Ahaze muna Yotame mutekulu wa Uziya washwanene mu Yunda, co kwakele nzita. Mwene Lezine wa Silya, na Peka muna Lemaliya mwene wa mu Isalele, valwisile Yelusalema oloni kuvaifungulwile.

Isaya 7:1 Iomraidhean Croise

2 Vimyene 15:25

Co mwata umo wa mashwalale va Pekahiya, lizina lyendi Peka muna Lemaliya, watumbile vutumbe amo na vanalume makumi atanu va ku Ngilyande, co vatsiilile Pekahiya mu lipela mukati ka cimpaka mu Samaliya, co Peka wamushwanene kupwa mwene.

2 Vimyene 15:27

Mu mwaka wamumakumi atanu na ivali omo Uziya wapwile mwene wa mu Yunda, Peka muna Lemaliya wapwile mwene wa mu Isalele, washwanene mu Samaliya myaka makumi avali.

2 Vimyene 15:37

Co yapwile simbu yendi yakushwana omo Shukulu Kalunga watumine Mwene Lezine wa Silya na Mwene Peka wa mu Isalele kushangumuka kulwisa Yunda.

2 Vimyene 16:1

Mu mwaka wamulikumi na itanu na ivali omo Peka muna Lemaliya wapwile mwene wa mu Isalele, Ahaze muna Yotame wapwile mwene wa mu Yunda

2 Vimyene 16:5

Mwene Lezine wa Silya na Mwene Peka wa mu Isalele valwisile Yelusalema nakuyizengeleka, oloni kuvafungulwile Ahaze.

Isaya 1:1

Cimona ca Isaya muna Amoze, cije camwene ca a Yunda na Yelusalema simbu ije omo Uziya, na Yotame, na Ahaze, na Hezekiya vapwile vimyene va mu Yunda.

Isaya 8:6

“Omwo vanu ava vanavyana mema a mu Shiloahe aje enda mwamuvwa nakuziva lyova ku mesho a Mwene Lezine na Mwene Peka,

Isaya 9:11

Shukulu Kalunga nashangumuna vitozi va Lezine ngeci vavalwise.

Ezekiyele 27:16

Vanu va ku Silya valandulwile nove, omwo wakele na vyuma vyavingi. Valandakanene emalinde, na vinanga vyakuvenguluka, na vinanga vyakushelasana, na vinanga vyavivwa vya linyu, na kolale, na lumbi, mukulanda vufuko vwove.

Hoziya 1:1

Eli likelyo lijwi lya Shukulu Kalunga lije lyezile kuli Hoziya, muna Mbeli, a simbu yakushwana kwa Uziya, na Yotame, na Ahaze, na Hezekiya vimyene va mu Yunda, na a simbu yakushwana kwa Yelovowame, muna Yehowashe, mwene wa mu Isalele.

Mika 1:1

A matangwa akushwana kwa Yotame, na Ahaze, na Hezekiya vimyene va mu Yunda, Shukulu Kalunga wendekele kuli Mika, uje watundile ku nganda ya Moleshete. Shukulu Kalunga washolwele vyuma vyoshe evi kuli Mika, vyuma vyoshe vije vikalingiwa a Samaliya na Yelusalema.