Isaya 66:4 - Livulu lya Shukulu Kalunga

⁴ Ngecivene, njikanena tuyando twakama ali vakevo, vyuma vivazivila lyova manene, omwo naumo wai wakumbulwile omo njasanene, nameme kutolilila omo njendekele. Co valingile vyavivi ku mesho ange, vaangwile vije kuvyanjivwaelesele.”

Isaya 66:4 Iomraidhean Croise

2 Vimyene 21:2

Manase walingile vuvi ku mesho a Shukulu Kalunga akukavangeya vilinga vyavivi vya miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

2 Vimyene 21:6

Ikeye wakombelelele munendi wa munalume kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Myaso 81:12

Ngecivene, njavatavele kulinga vizango vyavo.

Visimo 1:24

Njinakala nakumisana, nakumilanya ngeci mwije, oloni yeni kumwombileko mbunge. Kumwatolililile kuli yange.

Visimo 10:24

Vaka-vushunga vakawana vivashaka, oloni vaka-vuvi vakawana vije vivajujwisa manene.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 59:15

Kulongwa kunapu kwakundondo. Woshe uje alikela kulinga vuvi alimona ali na mulonga.” Shukulu Kalunga namono evi, co ikeye kesi nakuvwaelela omwo kukwesi vushunga.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Isaya 65:3

Vakanjiluvalesa nakunjiyeluwisa. Vakombelela vin̄ombelo ku tumponya mu vitungu vyavo vyakujela nakwenyeka insense a mitula yakutunga na livu.

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Njelemiya 35:17

Ngecivene, ololo, yange Kalunga, Muka-nzili yoshe, Njambi ya Isalele, njikanena ali yeni vanu va mu Yunda na vanu va mu Yelusalema, n̄avava yoshe ije injamitumbwilile. Njikalinga evi omwo kumwatolililile ku vije njendekele kuli yeni, co kumwanjikumbulwile omo njamisanene.”

Njelemiya 7:13

Munalingi vuvi vwoshe ovu, nameme njendekele kuli yeni visimbu vyavingi, oloni kumwanjitolililile. Njamisanene, oloni kumwanjikumbulwile.

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Ezekiyele 11:8

Kuma yeni muziva lyova lya mikwale ndi? Njikanena vanu vaka-mikwale vakumilwise.

Ezekiyele 14:4

“Ololo endeka kuli vakevo nakuvaleka vije vinjendeka yange Kalunga wa Akamwa ya Vyoshe, ngwange, kaIsalele woshe uje naaka mbunge yendi ku tumponya nakutava ngeci vamutwamenene mu vuvi, co lalo aija nakwihula muka-kwimanena, co njikamukumbulula kukumbulula kuje kunapande tumponya twendi twatungi!

Ezekiyele 20:25

“Asinoni njavanene mashiko amavi, nakushika kwakuvi ngeci kesi vase kuyoya.

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

1 Samwele 8:19

Oloni vanu vavyanene majwi endekele Samwele, vendekele ngwavo, “Embwe! Yetu tushaka mwene,