Isaya 66:2 - Livulu lya Shukulu Kalunga

² Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Isaya 66:2 Iomraidhean Croise

1 Vimyene 21:29

“Wamono Ahave mwanalikeesa ku mesho ange ndi? Omwo nalingi ngacije, kunjikamuhisa mu simbu yakuyoya kwendi, oloni njikanena vukalu a naanga ya Ahave a simbu yakuyoya kwa munendi.”

2 Vimyene 22:10

Co Shafane wendekele kuli mwene ngwendi, “Livulu eli lyananjana Hilikiya.” Co walilavelele mwene.

2 Vimyene 22:11

Omo mwene wazivile vije valavele mu livulu lya Mashiko, watavwile vuzalo vwendi mukuviilila,

Ezela 10:3

Co ololo tunapande kulinga cikulaeso na Njambi yetu ngeci tukakondola vanakazi ava na vana vavo vavanakiti. Tukalinga vije viwunatunangula yove na veka vaje vasingimika mashiko a Njambi. Co tukalinga ngwe muwashaka Mashiko a Njambi.

Ezela 9:4

Njatumbamene kuje mu vusiwa noo simbu ya cingwezi yetele yakukombelela vin̄ombelo, co vanu valikungulwilile kuli yange, voshe vaje vazivile lyova a majwi a Njambi ya Isalele omwo a vuvi vwa vaje velukile kutunda ku vunzinda.

Myaso 119:120

Njijaja manene omo njikuyongola, njili na lyova lya kusompa kwove.

Myaso 119:161

Vimyene vanjiyandesa kwakujeneka mulonga, oloni yange njikasingimika lishiko lyove na mbunge yange yoshe.

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Myaso 51:19

Asinoni ukavwaelela na vin̄ombelo vyavivwa, na vin̄ombelo vyetu vya kwenyeka, co vakakombelela vingombe va nkomba a mutula wove.

Visimo 28:14

Navezika munu uje akomoka Shukulu Kalunga simbu yoshe, oloni uje akaluwisa mbunge yendi akakala mu tuyando.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Isaya 41:20

Vanu vakacimona, nakuzivuka ngeci yange Kalunga, Njambi wakujela wa Isalele, njavitangele vyoshe.”

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Hoziya 11:10

“Vanu vange vakanjikava omo njikaana ngwe ndumba. Co vakazambula kwija kuli yange kutunda ku kangombe ka yambi.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Mateo 12:6

Njimileka ngwange, kucili cije cinatuvakana Njuvo ya Shukulu Kalunga.

Vilinga vya Miluwa 7:50

Kesi yange vene njatangele vyuma vyoshe evi ndi?’

Vilinga vya Miluwa 9:6

Oloni katuka uye mu nganda, co vakakuleka viwunapande kulinga.”

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

Kolose 1:17

Kilistu wakeleko te vyuma vyoshe vyai, co akukala muli ikeye vyuma vyoshe vili na mutambela wavyo wauvwa.