Isaya 66:19 - Livulu lya Shukulu Kalunga

¹⁹ co vakazivuka ngeci yange muka-kuvahisa. “Oloni ali vakevo njikasezao vamo, co njikavatuma ku miyati ya ku mafuti a kulyala vaje kuvazivile lutsimo lwange nambe kumona vukama vwange na nzili, ku Sipeini, Limbiya, na Lindiya, na vanalume vamwo vaka-vutongwe vwakwasha na mikili, na ku Tuvale, na ku Ngelese. Akati ka miyati ije vakambulula vukama vwange.

Isaya 66:19 Iomraidhean Croise

Kushangumuka 10:13

Vatekulwila va Ingito mazina avo, Lindiya, na Aname, na Lehave, na Nafetuhe,

Kushangumuka 10:2

Vana va Njafeta mazina avo, Ngomele, na Mangonge, na Mandai, na Njavani, na Tumbale, na Meshake, na Tilase. Vakevo vapwile vakukulwila va vanu vaje valilukile mazina avo.

Kushangumuka 10:22

Vana va Shemi va vanalume mazina avo, Elame, na Ashule, na Alepakeshande, na Lunde, na Alama. Vakevo vapwile vakukulwila va vanu vaje valilukile mazina avo.

Kushangumuka 10:4

Co vatekulwila va Njavani mazina avo, Elishahe, na Sipeini, na Sepulasi, na Londesiya.

Kushangumuka 9:27

Njambi aamese Njafeta! Na vatekulwila vendi vayoye na vanu va Shemi. Oloni Kanana akapwa ndungo ya Njafeta.”

1 Mizimbu 1:11

Co vatekulwila va Ingito vapwile vanu va ku Lindiya, na Aname, na Lehave, na Nafetu,

1 Mizimbu 1:7

Co vatekulwila va Njavani vapwile vanu va ku Elisha, na Sipeini, na Sepulasi, na Londese.

1 Mizimbu 16:24

Ambululeni vumpau vwendi kuli vanu, na vilinga vyendi vyakukomokesa kuli vanu voshe.

Myaso 72:10

Vimyene va ku Sipeini na ava va ku man̄anda vakamulambwila milambu, na vimyene va ku Shemba na ku Semba vakamunenela vwana.

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 18:7

Simbu ilinakwija omo Shukulu Kalunga Muka-nzili yoshe akatambula milambu yakutunda ku lifuti lije lya kushango ya vindonga, ku muyati uje wa nzili na muuka, ku vanu vaje vavalaja va cikonde cakuseneta, vanu vaje vavatewa mu kaye mwoshe. Vakaija ku Munkinda wa Siyone, kuje kuvakalemesela Shukulu Kalunga Muka-nzili yoshe.

Isaya 2:16

Akazuvika nameme mato akama manene na mato aje amavwa a mu mema a kalunga.

Isaya 29:24

Vaje voshe vanapu vilema vakazivuka mana, na vaje vaka-kulinyenga simbu yoshe vakononoka vilongesa vyange.”

Isaya 42:12

Vaje vakala ku mafuti a kulyala vaane cishangala na vumpau kuli Shukulu Kalunga!

Isaya 42:4

Kakonwa nambe kujuka, noo nanene vushunga asi. Mafuti a kulyala akashungwiya manene vilongesa vyendi.”

Isaya 43:6

Njikaleka kunto na mbwela, kwecela vanu vange ngeci veluke kutunda ku mafuti a kulyala na ku mitambela yoshe ya mu kaye.

Isaya 49:1

Yeni mafuti a kulyala tolilileni kuli yange, yeni vanu mwakala kulyala! Omo kanda njisemuke, Shukulu Kalunga wanjangwile, co wanjimikile kupwa ngamba yendi.

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 49:22

Shukulu Kalunga wa Akamwa ya Vyoshe alinakwendeka kuli vanu vendi ngwendi, “Njikana mafuti cimweso, co vakelwisila vana vove kwimbo.

Isaya 51:5

Mafuti a kulyala anavandamena na cinyangavili kwija kwange mukuvamena. Njikaija vwasi-vwasi mukwamena nakushika mafuti.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 52:15

Oloni miyati ya vanu vavangi vakamukomoka, co vimyene kuvakasa kwendeka, vakalikomokela lika. Vakamona nakuzivisisa cuma cije kuvazivukile akulivanga.”

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Isaya 60:9

Anapu mato aje atunda ku mafuti a kulyala, ali na kwilwisa vanu va Njambi kwimbo lyavo. Valinakwiluka na siliva na ngolinde, mukusingimika lizina lya Shukulu Kalunga, Njambi wakujela wa Isalele, uje nalingisa miyati ya vanu voshe ngeci vasingimike vanu vendi.

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Isaya 65:1

Shukulu Kalunga wendekele ngwendi, “Njashakele kukumbulula malombelo a vanu vange, oloni kuvalombelele. Miyati ya vanu kuvanjishakezekele, nameme njashakele ngeci vanjiwane. Kuvalombelele kuli yange, nameme njashakele kuvakumbulula ngwange, ‘Yange uno, njikamikwasa.’

Njelemiya 46:9

Shikeni tuvalu vaye, na matemba vaakoke! Co tumeni mashwalale, vanalume vakutunda ku Sundane na ku Limbiya, vambate vintelo, na vanalume vaka-vutongwe vwa mata a lusipa vakutunda ku Lindiya.”

Ezekiyele 27:10

“Vanu vatundile ku Pelesha na ku Lindiya na ku Limbiya vapwile mashwalale vove. Vashukikile vintelo vyavo na vitepa vyavo a vivumbe vyove. Omo vahyanene, co yove wazivile kuvwaa.

Ezekiyele 27:13

Walandulwile vyuma vyove mu Ngelese, na mu Tumbale, na mu Meshake, vufuko vwove wavulandakanene na vindungo na vyuma vya vunengu.

Ezekiyele 30:5

“Nzita ije ikatsiya lalo na mashwalale vakukumuna vakutunda ku Sundane na ku Lindiya na ku Limbiya na ku Alambiya na ku Kuvu nambe vanu vaje va akati ka vanu vange vene.”

Ezekiyele 32:26

“Meshake na Tuvale kuvali, amo na vimbumbo vya mashwalale vavo vyoshe vinavazengeleka. Mashwalale vavo voshe kuvapwile vaka-kukulaela, vavatsiilile mu nzita. A simbu imo vazivisile lyova lifuti lya vaka-kuyoya.

Ezekiyele 39:1

Shukulu Kalunga wa Akamwa ya Vyoshe wendekele kuli yange ngwendi, “Muna munu, ambulwila Ngonge, muka-kushwana wakama wa miyati ya Meshake na Tuvale, muleke ngwove yange nji citozi cendi.

Ezekiyele 39:6

Njikashwameka tuhya mu lifuti lya Mangonge, na ku vikuma vyoshe kuje vanu valinakukala mu kwoloka, co munu woshe akazivuka ngeci yange njapwa Kalunga.

Ndanyele 11:18

Munima yevi akalwisa miyati ije ili ku mema a kalunga, co akafungulula vanu vavangi. Oloni ntwama uje muka-kwija akamufungulula nakumanesa kapopolwezi kendi. Mwa vushunga kapopolwezi kendi kakamwilukila ikeye vavenya.

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Zefaniya 3:10

Nameme vaje vakala kulyala ku Sundane, vanu vange vaje vashandokele, vakanena vin̄ombelo kuli yange.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Luka 2:34

Co Simyoni wavavezikisile wendekele kuli Maliya ngwendi, “Mwanike ou vamwangwile kuli Njambi mukunyongesa nakwamena vavangi mu Isalele. Akapwa cizivukiso cakutunda kuli Njambi cije vanu vavangi vakendeka nakucilwisa,

Loma 15:21

Oloni ngwe muvyendeka visoneka ngwavyo, “Vaje kuvavalekele ali ikeye vakamumona, co vaje kuvazivile vakazivisisa.”

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,