Isaya 66:18 - Livulu lya Shukulu Kalunga

¹⁸ Njizivuka viyongola vyavo na vilinga vyavo. Njilinakwija nakukungulula vanu va miyati yoshe. Omo vakakungulukila amo, vakamona nzili yange muyafwa,

Isaya 66:18 Iomraidhean Croise

Yombi 42:2

Njizivuka, Shukulu Kalunga ngeci yove u muka-nzili yoshe, co wasa kulinga vyoshe viwushaka.

Myaso 139:2

Yove uzivuka vyuma vyoshe vinjikalingi, nambe uli kulyala, oloni uzivuka viyongola vyange vyoshe.

Myaso 67:2

ngeci vanu voshe va asi vazivuke cizango cove, co lalo miyati yoshe vazivuke kwamena kwove.

Myaso 72:11

Vimyene voshe vakatsikama ku mesho endi, co miyati yoshe vakamupangela!

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Myaso 82:8

Lingao cimo yove Njambi, sompa miyati ya kaye yoshe, omwo miyati yoshe yapwa yove.

Myaso 86:9

Miyati yoshe iwatangele vakaija nakutsikama kuli yove, co vakashangazala vukama vwove.

Myaso 94:11

Shukulu Kalunga azivuka viyongola vya vanu, azivuka ngeci viyongola vyavo vinapu vyangoco.

Myaso 97:6

Melu asholola vushunga vwa Shukulu Kalunga, co vanu voshe vamona vumpau vwendi.

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 37:28

“Oloni njazivuka kalesi yove, na vije viwukalingi na kuje kuukai. Njazivuka nomu muukanjilwisila.

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 55:8

Shukulu Kalunga alinakwendeka ngwendi, “Viyongola vyange kuvyafwile ngwe viyongola vyeni embwe, na vingila vyange vinalyangunuka na vingila vyeni.

Isaya 56:8

Shukulu Kalunga wa Akamwa ya Vyoshe uje wanenele vanu vendi vaIsalele kwimbo kuvatundisa ku vunzinda, nakulaesa ngeci akanena veka lalo vakulipandakane navo.

Isaya 57:12

Mulinakuyongola ngweni evi mulinakulinga vinapu vyavivwa, oloni yange njikamizivisa shwamwa a vilinga vyeni, co tumponya tweni kuvakamikwasa.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Isaya 66:10

Yeni voshe mwazema nganda eyi, joleleni na Yelusalema, nakuvwaelela nayo! Yeni voshe mwakele nakuyililila, ololo joleleni amo nayo!

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Ezekiyele 38:10

Evi vikevyo vyalinakwendeka Shukulu Kalunga wa Akamwa ya Vyoshe kuli Ngonge ngwendi, “Omo simbu ije ikaija, co ukashangumuka kutumba vutumbe vwavuvi.

Ezekiyele 39:21

Shukulu Kalunga wendekele ngwendi, “Njikamwesa vumpau vwange ku miyati yoshe munjikapangeselamo nzili yange omo njivanyanyamesa.

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Amose 5:12

Njazivuka kutuma kwa milonga yeni na vuvi vweni vuje munalingi. Yeni mulinakupesa vanu va kulongwa, nakutambula lizika-kanwa, co muvindika tuutu ngeci kesi vawane vushunga mu vimbanja.

Zakaliya 14:16

Asinoni vaje vasaleleo ku miyati yoshe ya vanu vaje valwisile Yelusalema vakaya ku Yelusalema a mwaka na mwaka mukulemesa Shukulu Kalunga Muka-nzili yoshe ngwe mwene, co vakalisamba a Ciwano ca Mapapela.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 12:25

Yesu wazivukile viyongola vyavo, ngecivene, wendekele kuli vakevo ngwendi, “Vumwene vwoshe vuje vulyangunuka mu vimunga nakulilwisa akati kavwo vukanyonga, co nganda nambe naanga yoshe ilyangunuka mu vimunga nakulilwisa akati kayo ikanyonga.

Mateo 9:4

Oloni Yesu wazivukile viyongola vyavo, co wavehwile ngwendi, “Vikajo mulinakuyongwela vyuma vyavivi mu vimbunge vyeni?

Luka 5:22

Yesu wazivukile viyongola vyavo, co wendekele kuli vakevo ngwendi, “Vikajo mulinakuyongwela vyuma vyangacije?

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 5:42

Oloni njizivuka cifwa ceni, njizivuka ngeci kumwesi na cizemo ca Njambi mu vimbunge vyeni.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

1 Kolinte 3:20

co lalo visoneka vikwavo vyendeka ngwavyo, “Shukulu Kalunga azivuka ngeci viyongola vya vaka-mana vinapu vyangoco.”

Kwituluka mu Mashiko 31:21

Co tuyando twatungi twakukomokesa tukakala ali vakevo, oloni mwaso ou uvakaimba ukapwa vukaleo vwange kuli vakevo, omwo mwaso ou ukakala mu vimbunge vya vatekulwila vavo. Nameme kanda njivatwale mu lifuti lije njalisingile kuvanalyo, njazivuka vivalinakuyongola.”

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.

Kujombolola 2:2

Njinazivuka vije viwunalingi, njinazivuka kuundangana kwove nakusimpa kwove. Njinazivuka ngwange kuwasa kuundangana amo na vaka-kulinga vyavivi embwe, co lalo unelula vaje vaka-kwendeka ngwavo vanapu miluwa oloni kesi vakevo embwe, co vanasholoka ngeci kuma vanapu vaka-makuli.

Kujombolola 2:9

Njinazivuka tuyando twove, njinazivuka ngeci yove unapu kautu, oloni mwa vushunga unapu muka-kufuka! Njinazivuka kushaula kuje valinakukushaula vaje valitumbula ngwavo vanapu vaYunda oloni kesi vakevo embwe, vakevo vapwa vaka-munga yakundama kuli Satana!