Isaya 66:16 - Livulu lya Shukulu Kalunga

¹⁶ Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Isaya 66:16 Iomraidhean Croise

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 3:13

Shukulu Kalunga nakatuka ngeci asompe vanu. Nemana mukusompesa miyati.

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 31:8

VaAsilya vakavatsiila mu nzita, oloni kesi na mikwale ya vanu embwe. Vakwenje vavo vakeseka kuputumuka, oloni vakavakwata nakuvapwisa vindungo.

Isaya 34:2

Shukulu Kalunga naluvala na miyati ya vanu voshe, na mashwalale vavo voshe. Ikeye navasompela kutsa.

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Njelemiya 25:31

co cilumo ciketa na aje asikisila kaye. Shukulu Kalunga ali na n̄anda na vaka-mafuti. Akakungulwila vanu ku cisompelo, nakutsiya vaka-vuvi. Shukulu Kalunga nendekamo.’ ”

Njelemiya 25:33

A litangwa lije, mivila ya vaje vaatsiile Shukulu Kalunga ikakala nakushandozoka kutunda ku shongo imo ya kaye nakweta ku shongo ikwavo. Naumo wai akavalila, nambe kuvatsinda. Vakalala asi ngwe mitumbo ya vwilo.

Njelemiya 45:5

Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Njelemiya 46:15

Omo vikajo Apise njambi yeni muka-nzili nau? Shukulu Kalunga namuwisila asi!’

Ezekiyele 28:18

Yove walingile vuvi mukulanda nakulandulula, ngeci mitambela yove ije yakulemesela yaviile. Ngecivene, njashwamekele tuhya a nganda nakuyenyeka. Co njakupwisile lito lya asi ku mesho a vaje voshe vakumwene.

Ezekiyele 38:17

Yove vene uje njatumbwile ku san̄ulu, omo njambulwile muli vangamba vange vaka-kwimanena va mu Isalele, ngwange ku matangwa aje akaija kulutwe, njikanena munu umo akulwise Isalele.” Munjinendeka yange Kalunga wa Akamwa ya Vyoshe.

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Amose 7:4

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti.

Nahumi 3:15

Nameme ulinga cuma cika, anga vene vakakwenyeka nambe vakakutsiila mu nzita. Vakakunyongesa ngwe vimbuto vije vivanali vimbimba. Mwatumine manene ngwe vimbimba!

Nahumi 3:3

Vanalume vaka-kwendela a tuvalu vaya kulutwe mukulwa, mikwale ivyakuma, na makunga avyakuma! Vivimbi vanalundama mutumbo, ije naumo wai asa kuvalava, vanalume valinakutanozokao!

Zakaliya 14:5

Co yeni mukatewela mu cimbongo eci caangununa munkinda mu mitambela ivali. Mukatewa ngwe muvatewele vakukulwila veni omo lifuti lyajajele a simbu ya Mwene Uziya wa mu Yunda. Shukulu Kalunga Njambi yange akaija, akaija amo na tungelo twendi vakujela.