Isaya 66:13 - Livulu lya Shukulu Kalunga

¹³ Njikamizembeleka mu Yelusalema, ngwe cisemi azembeleka munendi.

Isaya 66:13 Iomraidhean Croise

Myaso 137:6

Nga kunjikwanuka yove Yelusalema, nga kunjanuka yove kupwa kujolela kwange kwakama, kanwa kange kongomoke ngeci kesi njiimbe mwaso lalo!

Myaso 94:19

Omo viyongola mu mbunge yange vyatumine, oloni yove wanjizembelekele nakunjivwaelelesa.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 40:1

Njambi yetu alinakwendeka ngwendi, “Zembelekeni vanu vange. Vazembelekeni!

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 66:10

Yeni voshe mwazema nganda eyi, joleleni na Yelusalema, nakuvwaelela nayo! Yeni voshe mwakele nakuyililila, ololo joleleni amo nayo!

2 Kolinte 1:3

Tukandeleleni kuli Njambi Ishe ya Mwene yetu Yesu Kilistu, Tate wa mema ku mbunge, Njambi kuje kukatundu vukwasi vwoshe!

2 Kolinte 1:4

Ikeye muka-kutuzembeleka mu tuyando twetu twoshe, ngeci netu twase kuzembeleka vaje vali mu tuyando twakuliseza-seza, nakuzembeleka kuje kwatuzembelekele nakwo Njambi.

1 Tesalonika 2:7

nambe ngwe miluwa va Kilistu twasele kumyana citele. Oloni twapwile tu vaka-lyovwa-ovwa omo twakele neni amo, ngwe lyovwa-ovwa lya cisemi wa munakazi omo alinakulela vana vendi vene.