Isaya 66:12 - Livulu lya Shukulu Kalunga

¹² Shukulu Kalunga alinakwendeka ngwendi, “Njikamihwimisa ku myaka yoshe, vufuko vwa mafuti vukaita ngwe ndonga ya muta uje kuwesi kuma. Mukapwa ngwe mwanike uje ivajamwesa vaina mwamuvwa, nakumwambata mu shivu, nakumwongozola na cizemo.

Isaya 66:12 Iomraidhean Croise

Isaya 14:2

Miyati yaingi vakakwasa vanu va Isalele kwiluka mu lifuti lyavo lije lyavanene Shukulu Kalunga, miyati ya vanu vakapangela Isalele ngwe vindungo. Vaje a simbu imo vafungulwile Isalele vakafunguluka kuli Isalele, co vanu va Isalele vakashwana vaje vavayandesele.

Isaya 26:3

Shukulu Kalunga akana kwoloka, kuli vaje vakolesa kukulaela kwavo mbe, vaje vakulaela kuli yove.

Isaya 33:21

Shukulu Kalunga akatumwesa vumpau vwendi. Co tukakala ku ngenge ya vindonga vyakama na vana va vindonga vyavindondo, oloni mato a vitozi kuwakasa kujavukamo.

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 48:18

“Nga mwatolililile ku mashiko ange, nga vivezikiso vyeni vyapwile ngwe muna ndonga uje kesi kuma cau, nga munahyana ngwe mankimba aa mema a kalunga.

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 54:3

Ukambata mitambela ya mafuti eka, vanu vove vakeluka mu lifuti muje muli miyati yeka ololo. Vinganda vije vyapwile vingundu vikashula lalo na vanu.

Isaya 59:19

Kutunda mu ngangela nakweta mu kangombe ka yambi, vanu voshe vakakomoka vukama vwa nzili yendi. Akaija ngwe mema a cingungu-muta, ngwe lihunzi lyakama.

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 61:6

Oloni yeni mukapwa vaka-kukombelela na vangamba va Shukulu Kalunga Njambi yetu. Vufuko vwa mafuti vukapwa vweni, na kulyalesa ngeci vunapu vweni.

Isaya 66:11

Mukavwaelela akuvezika kwayo, ngwe mwanike avwaelela ku mavele a vaina.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Hangai 2:9

Njuvo yange yaiha ikapwa yaivwa manene kutuvakana ije yakulivanga. Co njikana vanu vange vuvwa na kwoloka.” Mwanendeka Shukulu Kalunga, Muka-nzili yoshe.