Isaya 65:9 - Livulu lya Shukulu Kalunga

⁹ Njikavezikisa vanu va Isalele va ku muyati wa Yunda, co vatekulwila vavo, vakafuka lifuti lyange lya minkinda. Vanu vange vakwangula, vaje vanjipangela, vakakala mu lifuti muje.

Isaya 65:9 Iomraidhean Croise

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 32:18

Vanu va Njambi kuvakalishoshomwena, co membo avo akakala mwamuvwa na kwoloka,

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 57:13

Omo mutambeka ngeci vamikwase, eceleni tumponya tweni tumyamene! Lihunzi likavapekumuna! Oloni vaje vakulaela muli yange vakayoya mu lifuti, co vakanjilemesa mu Njuvo yange.”

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 65:15

Vanu vange vakwangula vakapangesa lizina lyove ngwe cisingo. Yange Kalunga wa Akamwa ya Vyoshe, njikamitsiya. Oloni njikana lizina lyaliha kuli vaje vanjononoka.

Isaya 65:22

Kuvakatungila vakwavo veka vinjuvo, co lalo kuvakakunina vakwavo veka vitungu vya mikolovozi ya vushuka vwa vinyu ngeci valye, vanu vange vanjaangwile vakayoya simbu yakama ngwe miti nakujolela na vipangi vyavo.

Ezekiyele 36:24

Njikamiilwisa kumitundisa ku miyati yoshe na ku mafuti oshe nakumiilwisila ku lifuti lyeni lalo.

Zefaniya 3:20

Simbu ilinakwija! Njikelwisila vanu veni kwimbo vaje valishandokele, co njikamitsimanesa mu kaye mwoshe, co mukakala mwamuvwa lalo ngwe laja.” Mukemwo mwanendeka Shukulu Kalunga.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Loma 11:28

Omwo vanavyana Vin̄anda Vyavivwa, vaYunda vanapu vitozi va Njambi omwo yeni kesi mu vaYunda. Oloni omwo kwangula kwa Njambi, vanapu vasamba vendi omwo ali vakukulwila vavo.