Isaya 65:2 - Livulu lya Shukulu Kalunga

² Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Isaya 65:2 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Myaso 36:4

Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Myaso 36:5

Shukulu Kalunga, cizemo cove cije kucesi kutenguluka cinete na mu melu, kulongwa kwove kunete ku mashelwa.

Visimo 1:24

Njinakala nakumisana, nakumilanya ngeci mwije, oloni yeni kumwombileko mbunge. Kumwatolililile kuli yange.

Visimo 16:29

Vaka-lwozi vakashongangeya vakwavo, nakuvatwala mu ngila yaivi.

Isaya 1:2

Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 55:8

Shukulu Kalunga alinakwendeka ngwendi, “Viyongola vyange kuvyafwile ngwe viyongola vyeni embwe, na vingila vyange vinalyangunuka na vingila vyeni.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Isaya 66:18

Njizivuka viyongola vyavo na vilinga vyavo. Njilinakwija nakukungulula vanu va miyati yoshe. Omo vakakungulukila amo, vakamona nzili yange muyafwa,

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Isaya 66:4

Ngecivene, njikanena tuyando twakama ali vakevo, vyuma vivazivila lyova manene, omwo naumo wai wakumbulwile omo njasanene, nameme kutolilila omo njendekele. Co valingile vyavivi ku mesho ange, vaangwile vije kuvyanjivwaelesele.”

Njelemiya 18:12

Vakakukumbulula ngwavo, ‘Embwe, omwo vikajo tutenguluka? Yetu voshe tukakaluwisa vimbunge vyetu, nakulinga vuvi ngwe mutushakela kulinga!’ ”

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Njelemiya 5:23

Oloni yeni vanu mwakaluwa vimbunge, mu vaka-kutenguluka, co munanjiseze nakutengulukila kweka.

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Loma 10:21

Oloni alinakwendeka ali Isalele ngwendi, “Simbu yoshe njashakele kutambula vanu vaka-kujeneka kwononoka vakevo lalo vaka-kutengulukila.”

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.