Isaya 65:19 - Livulu lya Shukulu Kalunga

¹⁹ Nange vavenya njikajolela na Yelusalema na vanu vamwo voshe. Kumukakala kulila, nambe vusiwa.

Isaya 65:19 Iomraidhean Croise

Myaso 144:14

Vingombe vyetu vasemunwine nakutuma manene-nene, kujeneka kupulumwisa, nambe kwonwa kusema. Mu vitapalo vyetu lalo kesi mukale mitambi yakulila embwe.

Myaso ya Solomoni 3:11

Yeni vanakazi va mu Siyone, ijeni mumone Mwene Solomoni. Mwene Solomoni nazala cilongo cije civamuzikile vaina ku mutwe wendi, a litangwa lya vulo vwendi, a litangwa lyakuvwaelela nakujolela kwendi.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 60:20

Matangwa akuviilila kwove akahwa. Yange Kalunga, njikapwa ceke cove ku myaka yoshe ceke cije kucesi kuhwa catuvakana ceke ca litangwa na ngonde.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Ezekiyele 36:15

Lifuti kulikatwalao kutolilila ku miyati ije ilishendumuna, nambe kumona vanu vaje valinakulishaula. Lifuti kulikevi lalo vana va miyati yavo. Munjinendeka yange Kalunga wa Akamwa ya Vyoshe.”

Zefaniya 3:15

Shukulu Kalunga namanesa cihiso ceni, natundisa vitozi veni voshe. Shukulu Kalunga mwene wa Isalele ali amo neni, kukwesi cuma ceka lalo cakumizivisa lyova cai.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Zakaliya 2:10

Shukulu Kalunga wendekele ngwendi, “Imbeni nakujolela, yeni vanu va mu Yelusalema! Njikaija nakukala akati keni!”

Luka 15:3

Ngecivene, Yesu wavatelelele cisimo eci ngwendi,

Luka 15:5

Co omo namuwana, amwaka a vitsili vyendi nakujolela,

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”