Isaya 65:11 - Livulu lya Shukulu Kalunga

¹¹ “Oloni kukakala kulyangunuka neni mulinakunjivyana, yeni mulimbulula Siyone, lilundu lyange lyakujela, nakulemesa Ngande na Meni, vinjambi va sande na luvinda.

Isaya 65:11 Iomraidhean Croise

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Myaso 132:13

Shukulu Kalunga naangula Siyone kupwa limbo lyendi.

Myaso 137:5

Nga njikwivala yove Yelusalema, livoko lyange litenguke ngeci kesi njiimbe kalyalya lalo!

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 56:7

“Njikamitwala ku Siyone, lilundu lyange lyakujela, co njikavajolesa mu Njuvo yange yakulombelela, co njikatambula vin̄ombelo vije vimukombelela a mutula wange. Co Njuvo yange vakaitumbula Njuvo yakulombelela miyati yoshe.”

Isaya 57:13

Omo mutambeka ngeci vamikwase, eceleni tumponya tweni tumyamene! Lihunzi likavapekumuna! Oloni vaje vakulaela muli yange vakayoya mu lifuti, co vakanjilemesa mu Njuvo yange.”

Isaya 65:25

Tungunga na vana va vimanga vakalya amo, vindumba na vingombe vakalya mwila, na manyoka vakalya livu. Kuvakashumu nambe kuvulumuna munu umo, a Siyone lilundu lyange lyakujela.”

Isaya 66:20

Vakelwisa vavushoko vweni vaje vali mu mafuti oshe ku lilundu lyange lyakujela mu Yelusalema a tuvalu, na vimulu, na tumelo, na mu matemba na mu makalu, cikafwa ngwe vaIsalele vanena mulambu wa vimbuto vya vinona ku Njuvo yange a malonga akujela.

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 19:4

Njikalinga eci omo vanu vananjiseza, vanajwalesa mutambela ou akukombelelamo vin̄ombelo ku vinjambi veka, vinjambi vaje nambe vakevo, nambe vakukulwila vavo, nambe vimyene va mu Yunda kuvavazivukile. Vanashulisa mutambela ou na maninga a vanu vakujeneka mulonga,

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 7:18

Vanike vacava vitale, vanalume vavweka tuhya, co vanakazi vashinga vunga nakwoca makende a njambi wa munakazi uje ivatumbula ngwavo Lishano lya Mwilu. Co vetila lalo n̄ombelo ya vinyu kuli vinjambi veka, ngeci vanjizivise ku mbunge kuvavala.

Kwituluka mu Mashiko 32:17

Vakombelelele ku vinjambi vaje kesi va vushunga, vinjambi vaje kuvazivukile vakukulwila vavo, vinjambi vavaha vaje vaIsalele kuvavononokele akulivanga.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.