Isaya 64:7 - Livulu lya Shukulu Kalunga

⁷ Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 64:7 Iomraidhean Croise

Yombi 10:9

Anuka ngeci wanjimungile ngwe vuma, co ushaka kunjitsena nakunjiilwisila lalo ku livu ndi?

Yombi 8:4

Nga vana vove vanalingi vuvi ku mesho a Njambi, ngecivene, ikeye navahisa ngwe ku vivulumuna vyavo.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 14:4

Shukulu Kalunga wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

Kutuuka 32:12

Cikapwa vatijo omo vaka-Ingito vakendeka ngwavo yove watwamenenene vanu vove kuvatundisa mu Ingito, nakuvatsiila mu minkinda nakuvanyongeselamo voshe? Likele kuluvala, co yongolako mweka, kesi unene vukalu ovu ali vanu vove.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 27:5

Oloni nga vitozi va vanu vange vashaka ngeci njivanyunge, veceleni valizivasane nange, co vakakala mu kwoloka.”

Isaya 45:9

Ngongo ya munu uje alwa na Ishamatanga yendi, munu napu citambi ca ku vitambi vyoshe vya ano asi! Kuma vuma vwasa kwihula muka-kushonga ngwavwo vika ushonga? Nambe kwendeka ngwavwo, eci ulinakushonga kucesi na mavoko?

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 54:8

Omwo njaluvalele njakusezele kasimbu kakandondo lika, oloni njikakumwesa cizemo cange ku myaka yoshe. Ngwendi Shukulu Kalunga uje muka-kukwamena.

Isaya 56:4

Shukulu Kalunga alinakwendeka kuli munalume wa cifwa cangacije ngwendi, “Nga unjisingimika nakunyunga Litangwa Lyakuhwima, co nga ulinga vije vinjivwaelelesa nakunyunga cikumiiyo cange,

Isaya 57:17

Njaluvalele navo omwo vuvi vwavo na muuka wavo, ngeci njavahisile nakuvaseza, omwo vakaluwisile vimbunge vyavo nakuya mu vingila vyavo.

Isaya 59:16

Ikeye nalikomokela manene akumona ngeci kukwesi uje akwasa vaka-kuyanda. Ngecivene, akapangesa livoko lyendi lya nzili mukuvapatula nakuhyana.

Isaya 59:2

Oloni vuvi vweni vukevwo vunamyangununa na Njambi yeni. Njambi kesi kuziva malombelo eni omwo vuvi vweni.

Isaya 59:4

Muya ku mbanja, oloni kumwesi na vushunga. Mukalingi matumbe eni akuvulumuna vakweni.

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Njelemiya 9:7

Omwo vyuma evi, Shukulu Kalunga Muka-nzili yoshe alinakwendeka ngwendi, “Njikajelesa vanu vange ngwe vutale, co njikaveseka. Vanu vange vanalingi vuvi, vikajo lalo vinjilinga navo?

Ezekiyele 22:30

Yange njashakezekele munu umo uje asa kutunga civumbe, nakwimana mu mitambela muje munatavozoka vivumbe, nakunyunga lifuti omo vukalu vwange vushaka kulinyongesa, oloni naumo wai njawanenemo.

Ezekiyele 24:11

Asinoni tumbikeni ndeo ya vunengu yamupulungwa a manungu a tuhya, ngeci yenye. Asinoni ndeo ikajela omo n̄alawe inenye,

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Hoziya 7:14

Kuvalombelele kuli yange na mbunge ya vushunga, oloni vakele nakulyalanga asi nakulila ngwe muvakalingi vaka-kujeneka kukulaela. Omo valombela a vimbuto na a vinyu, valinakulitwa vimbandu a mivila yavo ngwe vaka-kujeneka kukulaela. Vanapu vaka-kutengulukila!

Hoziya 7:7

“Mukushukuma kwa vukalu vwavo vatsiile vantwama vavo. Vimyene vavo vavatsiile umo na umo kulikavasana, oloni naumo wai walombelele kuli yange ngeci njivakwase.”

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Malakiya 2:10

Kuma yetu voshe tatetu kesi umolika ndi? Kuma kesi Njambi umolika watutangele ndi? Omwo vikajo tulitengulukila yetu vavenya, nakushawisa cikumiiyo ca vakukulwila vetu?