Isaya 64:5 - Livulu lya Shukulu Kalunga

⁵ Yove ukakwasa vaje vajolela mukwononoka na mukulinga vyuma vya vushunga, vanu vaje vanuka kuyoya muje muushaka yove ngeci vayoyemo. Yove waluvalele netu, omwo twalingile vuvi, nameme wakele na vukalu vwakama, oloni yetu tunakala nakulinga vuvi kutunda ku san̄ulu.

Isaya 64:5 Iomraidhean Croise

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 112:1

Shangazaleni Shukulu Kalunga! Navezika munu uje akomoka Shukulu Kalunga, munu uje avwaelela nakwononoka mashiko endi.

Myaso 25:10

Akatwamenena na cizemo cendi cije kucesi kutenguluka na vushunga vwendi, voshe vaje vanyunga cikumiiyo cendi, nakwononoka mashiko endi.

Myaso 37:4

Vwaelela muli Shukulu Kalunga, co akakwana vije viwushaka.

Kutuuka 20:24

Co njimungileni mutula wa livu, akeo mukakombelelao vimanga veni na vingombe veni kupwa milambu yamutunu ya kwenyeka, amo na milambu ya kulitombola. Mu mutambela woshe uje njikemika wakunjilemesela, co njikaija kuli yeni nakumivezikisa.

Kutuuka 25:22

Co njikakuwana muje mu Mbalaka Mwakuliwanena akamwa ya cifwiko ca mema ku mbunge, mukati ka vaje vakelumbi vavali va mambava, co njikakwana mashiko ange oshe aali vanu va Isalele.

Kutuuka 30:6

Asinoni aka mutula anja ya livamba lije lilinakujenjela kulutwe lwa Cikasa ca Cikumiiyo na cifwiko ca mema ku mbunge a cije cili akamwa ya Cikasa ca Cikumiiyo. Kuje kukekwo kunjikaliwana nove.

Isaya 1:30

Ukapwa ngwe muti wa oke wakujujwama, nambe ngwe citungu cakwona kutukumwina mema.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 26:13

Shukulu Kalunga Njambi yetu, vanakala nakutushwana kuli vanu veka, oloni yetu twononoka lika yove Shukulu Kalunga.

Isaya 27:8

Shukulu Kalunga wahisile vanu vendi akuvatuma ku vunzinda. Wavashekele na lihunzi lyakushaluka lya mu ngangela.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Zakaliya 3:3

Co Yoshwa wemanene kuje, oku nazala vuzalo vwa mazilo.

Malakiya 3:6

“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

Vilinga vya Miluwa 10:35

Oloni woshe amukomoka nakulinga vije vyavivwa vakamutambula kuli ikeye, kukwesi mulonga nambe ikeye wakundama ku muyati uka nambe uka.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.