Isaya 63:8 - Livulu lya Shukulu Kalunga

⁸ Shukulu Kalunga wendekele ngwendi, “Mwa vushunga vapwa vanu vange, kuvasa kunjikwisa embwe.” Ngecivene, wavamenene

Isaya 63:8 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Myaso 106:21

Vevalele Njambi uje wavamenene, Njambi uje wapangele vikomokeso vyakama mu Ingito.

Kutuuka 14:30

Likelyo litangwa lije Shukulu Kalunga wamenene vanu vaIsalele kuli vaka-Ingito, co vaIsalele vamwene mitunu ya vaka-Ingito vanalala vanatsi ku ngenge ya mema a kalunga.

Kutuuka 24:7

Asinoni wanonele livulu lya cikumiiyo, muje muvasonekele vyashikile Shukulu Kalunga, walilavelele kuli vanu. Co vanu vendekele ngwavo, “Tukononoka Shukulu Kalunga nakulinga vyuma vyoshe vije vyanatushiki.”

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 19:20

Vyuma evi vikapwa vimweso kuli vanu va mu Ingito ngeci Shukulu Kalunga Muka-nzili yoshe ali amo navo. Omo vanu vaIngito vakakala mu vukalu, co vakatambeka kuli Shukulu Kalunga ngeci avakwase, co ikeye akatuma umo mukuvapatula ku vitozi vavo.

Isaya 3:15

Kumwesi na moko yakuyandesa vanu vange nakwambata vya tuutu. Yange Kalunga wa Akamwa ya Vyoshe Muka-nzili yoshe njinendekamo.”

Isaya 41:8

“Oloni yove, Isalele ngamba yange, yeni mwapwa muyati uje unjaangwile, vatekulwila va musamba wange Avilahama.

Isaya 43:11

“Yange lika njapwa Kalunga, uje asa kumyamena.

Isaya 43:3

Yange njapwa Kalunga Njambi yeni, Njambi wakujela wa Isalele, uje amyovola. Njikecela Ingito ngeci vamikule, Sundane na Semba ngeci vamiinge.

Isaya 51:4

“Vanu vange tolilileni kuli yange, tolilileni ku vije njendeka. Njana vilongesa vyange ku miyati ya vanu, mashiko ange akavatwila ceke.

Isaya 57:11

Shukulu Kalunga alinakwendeka ngwendi, “Vinjambi mukajo ava valinakumizivisa lyova, ngeci mulinakwendeka makuli nakunjivala ivya? Munalikela kunjisingimika omwo njinoloka simbu yakama ndi?

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Isaya 64:9

kesi uluvale manene netu embwe, nambe kesi utuyongwele vuvi vwetu ku myaka yoshe. Anuka ngwove yetu tu vanu vove, tuzivileko mema ku mbunge.

Njelemiya 14:8

Yove cinyangavili ca Isalele, yove muyoyesi wa Isalele a simbu ya tuyando. Omwo vikajo upwa ngwe mungenzi mu lifuti lyetu, nambe ngwe muka-kwendangana uje alala vutsiki vumolika?

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Zefaniya 3:7

Co njayongwele ngwange amo vanu vange vakasa kunjikomoka nakutava kunangula kwange, ngeci kesi vakevale vilongesa vije vinjavalongesele. Oloni vwasi-vwasi vonwele kulisingimika, co valingile vyuma vyavivi manene kutuvakana muje mwalaja.”

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

Loma 11:28

Omwo vanavyana Vin̄anda Vyavivwa, vaYunda vanapu vitozi va Njambi omwo yeni kesi mu vaYunda. Oloni omwo kwangula kwa Njambi, vanapu vasamba vendi omwo ali vakukulwila vavo.

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Kwituluka mu Mashiko 32:5

Oloni yeni mwalingile mwamuvi kuli ikeye, co kumwapandele kupwa mu vanu vendi embwe, muyati wauvi wa makuli.

Kwituluka mu Mashiko 33:29

Wavezika yove Isalele! Kukwesi umo wakufwa ngwe yove wai, muyati wanamena Shukulu Kalunga. Shukulu Kalunga vavenya wapwa ntelo yeni, na mukwale weni, mukumyamena nakumihyanesa. Vitozi veni vakaija nakumilomba ngeci muvazivileko mema ku mbunge, oloni yeni mukavalyatangela.”

Kolose 3:9

Kesi mwendeke makuli ku umo na mukwavo, omwo yeni munashulula kuyoya kwa vunu vwalaja amo na vilinga vyavwo,

1 Yowano 4:14

Co tunamono nakuleka veka ngwetu Tate natumu Munendi kupwa Muyoyesi wa vaka-kaye.

Yunda 1:25

kuli Njambi umolika Muyoyesi wetu, ali Yesu Kilistu Mwene yetu, kukale vumpau na vukama na nzili na moko kutunda ku myaka ya ku san̄ulu na kulelo lino na ku myaka na myaka! Ewa.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.