Isaya 63:2 - Livulu lya Shukulu Kalunga

² “Omwo vikajo vuzalo vwendi vuvenga ngacije, ngwe muka-kukamuna vushuka vwa vinyu?”

Isaya 63:2 Iomraidhean Croise

Kushangumuka 49:11

Ikeye akakuta muna cimulu cendi ku mukolovozi wa vushuka vwa vinyu, ukewo wapwa wauvwa manene ku mikolovozi ya vushuka vwa vinyu. Ikeye akakushu vuzalo vwendi mu vinyu vyakuvenga ngwe maninga.

Isaya 59:17

Akazala kulongwa ngwe cikoveyo ca nzita ca a nulo, kwamena kupwa ngwe tepa ya nzita ya ku mutwe. Vukalu na shambandinga vikapwa ngwe vuzalo vwendi.

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Ezekiyele 35:6

Mwa vushunga vene yange Kalunga wa Akamwa ya Vyoshe, njapwa Njambi wakuyoya, kutsa kukapwa tuyando twove, co kuukasa kucitewa. Uli na mulonga wakutsiya, co kutsiya cikakukavangeya.

Kujombolola 14:19

Ngecivene, uje kangelo watengulwisilile moko yendi yakutejesa asi, wavatozwele vushuka ku mikolovozi ya vushuka wa vinyu, co wavumbilile mu cikamwino ca vinyu ca vukalu vwakama vwa Njambi.

Kujombolola 19:13

Cikoveyo cije cazalele vacimbwitikile mu maninga. Lizina lyendi lyapwile, “Lijwi lya Njambi.”

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.