Isaya 63:19 - Livulu lya Shukulu Kalunga

¹⁹ Ulinakutupangesa ngwe kesi yove wapwile u ntwama yetu, ngwe kesi tu vanu vove.

Isaya 63:19 Iomraidhean Croise

2 Samwele 22:10

Watavwile lilu nakulisholola, wezile ano asi, co lishelwa lyakuzivala vwii lyakele mwisi ya mendi endi.

Myaso 135:4

Omwo Shukulu Kalunga waangwile Yakomba, kupwa wendi, waangwile lalo vanu va Isalele kupwa vufuko vwendi.

Myaso 18:10

Ikeye wapulwile vwasi akamwa ya kelumbi, co wendele a mambava a lihunzi.

Myaso 79:6

Hisa miyati ya vanu vaje kuvakuzivuka, vanu vaje kuvesi kukulemesa!

Isaya 63:18

Yetu, vanu vove vakujela, vitozi vetu vatutundisile mu lifuti lyetu kasimbu kakandondo lika, vitozi vetu vasiwile Njuvo yove yakujela.

Isaya 64:1

Angununa melu ushelumukile ano asi! Ngeci minkinda ijaje omo ikumona.

Isaya 65:1

Shukulu Kalunga wendekele ngwendi, “Njashakele kukumbulula malombelo a vanu vange, oloni kuvalombelele. Miyati ya vanu kuvanjishakezekele, nameme njashakele ngeci vanjiwane. Kuvalombelele kuli yange, nameme njashakele kuvakumbulula ngwange, ‘Yange uno, njikamikwasa.’

Njelemiya 10:25

Vukalu vwove vwije a miyati ije kuvesi kukulemesa, na ali vanu vaje vaka-kukuvyana. Vanatsii vanu vove, vanatunyongesa njwa nakuseza lifuti lyetu ngundu.

Njelemiya 14:9

Omwo vikajo unapu ngwe munu ivanakasumuna, nambe ngwe lishwalale najeneka nzili mukulyamena? Mwa vushunga Shukulu Kalunga yove uli netu! Yetu tu vanu vove kesi utuseze embwe.’ ”

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Ndanyele 9:19

Shukulu Kalunga, tuzive. Shukulu Kalunga, tusambese. Shukulu Kalunga, tutolilile, co panga vipangi vyove! Ngeci munu woshe akazivuke ngwendi yove wapwa Njambi, kesi wishwale embwe! Nganda eyi yapwa yove na vanu ava vapwa vove.”

Amose 9:12

Co vanu va mu Isalele vakafungulula vije vyasalele mu lifuti lya Endome na miyati yoshe vaje vapwile vange laja.” Mukemwo mwalinakwendeka Shukulu Kalunga, uje akatava evi ngeci vilingiwe.

Vilinga vya Miluwa 14:16

Ku myaka ya kunima watavele vanu voshe ngeci vaye mu vingila vyavo vavenya.

Vilinga vya Miluwa 15:17

Ngecivene, vanu voshe vakaija kuli yange, voshe vaje kesi vaYunda vaje vanjinasana kupwa vange.

Loma 9:4

Vanapu vanu va Njambi, navapwisa vana vendi nakuvasholwela vumpau vwendi, walingile vikumiiyo navo nakuvana Lishiko, vakalemesa mwa vushunga, vanatambula vikulaeso vya Njambi,

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Kwituluka mu Mashiko 28:10

Co vaka-mafuti oshe a ano asi vakamona ngeci Shukulu Kalunga wamyangwile kupwa vanu vendi, co vakamizivila lyova.

Maako 5:4

Omo Shukulu Kalunga watundile ku minkinda ya ku Seila, omo watundile mu lifuti lya vaEndome, kaye kajajele, na nyonzi yanyokele kutunda mwilu. Eyo, mema atundile mu mashelwa etikile.

Maako 5:5

Minkinda yajajele ku mesho a Shukulu Kalunga wa Sinai, ku mesho a Shukulu Kalunga Njambi ya Isalele.