Isaya 63:18 - Livulu lya Shukulu Kalunga

¹⁸ Yetu, vanu vove vakujela, vitozi vetu vatutundisile mu lifuti lyetu kasimbu kakandondo lika, vitozi vetu vasiwile Njuvo yove yakujela.

Isaya 63:18 Iomraidhean Croise

Myaso 79:1

Miyati yeka vanakovela mu lifuti lyove yove Njambi! Vanajwalesa Njuvo yove yakujela nakuseza Yelusalema mupulungwa.

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Isaya 63:19

Ulinakutupangesa ngwe kesi yove wapwile u ntwama yetu, ngwe kesi tu vanu vove.

Isaya 64:10

Vinganda vyove vyakujela vinafu ngwe mambo, Yelusalema inapu ngundu,

Isaya 64:9

kesi uluvale manene netu embwe, nambe kesi utuyongwele vuvi vwetu ku myaka yoshe. Anuka ngwove yetu tu vanu vove, tuzivileko mema ku mbunge.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Ndanyele 8:13

Asinoni njazivile kangelo umo ehula kangelo mukwavo ngwendi, “Vyuma evi vivanamono mu cimona vikahwa simbu ika? Simbu mukajo vukahwa vuvi ovu vwakukomokesa vulinakuvindika vin̄ombelo vya a litangwa na litangwa? Simbu mukajo vakalyatangela mbunga ya nzita ya mwilu na Njuvo ya Shukulu Kalunga?”

Ndanyele 8:24

Ikeye akakala na nzili yakama, oloni kesi nzili yendi vavenya embwe. Ikeye akaviisa manene vyuma mu ngila yakukomokesa, co akalinga vyuma vyoshe vyashaka. Ikeye akaviisa vanu vaka-nzili na vanu va Njambi.

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

Amose 7:9

Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”

Mateo 24:2

Oloni Yesu wendekele ngwendi, “Munamono vinjuvo vyoshe evi ndi? Kukukakala limanya limo likasala mu mutambela walyo, oshe akasiwuka.”

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Kwituluka mu Mashiko 26:19

ngeci akamipwise muyati wakama kutuvakana miyati yeka yoshe ije yatangele, ngeci vakamishangazale, na lutsimo, na kalemeso. Co mukapwa mu vanu vakujela kuli Shukulu Kalunga Njambi yeni ngwe mwamikulaesele.”

Kwituluka mu Mashiko 7:6

Shukulu Kalunga Njambi yeni wamyangwile kupwa vushwana vwendi kutuvakana vanu voshe vali ano asi ngeci mukapwe vanu vendi vakujela.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.