Biblia Todo Logo
Bìoball air-loidhne

- Sanasan -




Isaya 63:15 - Livulu lya Shukulu Kalunga

15 Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Faic an caibideil Dèan lethbhreac




Isaya 63:15
33 Iomraidhean Croise  

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?


Vaka-kukombelela na vaLevi vemanene, co valombele vivezikiso vya Shukulu Kalunga ngeci viije ali vanu. Njambi wavazivile, omwo malombelo avo etele mwilu, mwimbo lyendi mwakujela.


Njilinakukenga mesho kuli yove Shukulu Kalunga, njilinakukenga kwilu kuli yove, ku litanda lyove lije lili mwilu.


Anuka kutetela kwove yove Shukulu Kalunga, na cizemo cove cije kucesi kutenguluka, vije viwasholwele tunde ku san̄ulu.


Shukulu Kalunga natumbama a litanda lyendi oku nakenge asi ali voshe vaje vakalao.


Njambi uje wakala mu Njuvo yendi yakujela, ikeye muka-kulela visiwa nakunyunga vifwile.


Asinoni njalyendekesele mu mbunge yange ngwange, “Cuma cakama cilinakunjizivisa ku mbunge kuvavala cinapu ngeci Njambi kesi na nzili lalo.”


Yove Njambi Muka-nzili yoshe, lingao cuma cimo. Kenga ano asi ngeci umone vije vilinakulingiwa ku mukolovozi ou wa vushuka vwa vinyu!


Muzi uje uwakunine na livoko lyove lya cilyo, mukolovozi wa vushuka vwa vinyu uje uwakolesele yove vavenya!


Shukulu Kalunga cilikulijo cizemo cove cije kucesi kutenguluka? Cilikulijo cikulaeso cije walisingile na Ndaviti?


Ngecivene, mbunge yange ilinakulinyenga a Mowavi, nakulinyenga a Kile Helese.


Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.


Mu Yelusalema mukakala vanu, co a Munkinda wa Siyone akakala vaje vanovoka, omwo Shukulu Kalunga Muka-nzili yoshe nayongola vyuma evi ngeci visholoke.


Shukulu Kalunga aya mukulwa, ngwe lishwalale wa vukalu alinakutambeka na nzili yendi yoshe, omo alinakulwisa vitozi vendi.


Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.


“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.


Akazala kulongwa ngwe cikoveyo ca nzita ca a nulo, kwamena kupwa ngwe tepa ya nzita ya ku mutwe. Vukalu na shambandinga vikapwa ngwe vuzalo vwendi.


ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,


Yove Shukulu Kalunga, vatijo utumbama lika kuluu akumona vyuma vyoshe evi nakutava ngeci tuyande ndi?


Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?


Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.


“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.


noo Shukulu Kalunga nakenge ano asi oku ali mwilu nakutukwasa.


“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.


Asinoni Shukulu Kalunga wazivilile ngozi lifuti lyendi, co wazivile mema ku mbunge ali vanu vendi.


Njambi yetu wakala na mema ku mbunge. Akatuwisa ceke cakutwamena a mungulungengu ngeci citwe ali yetu,


Co kenga ano asi oku uli mu mwela wove wakujela mwilu, vezikisa vanu vove vaIsalele na livu liwunatwana, ngwe muje muwakulaesele vakukulwila vetu, lifuti lyalivwa nevi vyakujenekamo vyai.’


Myonyo yeni muli Kilistu ilinakumyana nzili, na cizemo cendi cilinakumizembeleka. Muli na kulitombola na Munzinzime, co muli na mbunge ya ngozi nakulitetela umo na mukwavo.


Nga yetu tunafuku, co tumona vakwetu vanajeneka, co tukala na vukundwisi mu vimbunge vyetu kujeneka kuvakwasa, vatijo twendeka ngwetu tulinakuzema Njambi?


Lean sinn:

Sanasan


Sanasan