Isaya 62:9 - Livulu lya Shukulu Kalunga

⁹ Oloni yeni mwakunine na kuteja vimbuto mukalya makende, co mukashangazala Shukulu Kalunga. Yeni mwakongweyeye nakuungulula mikolovozi ya vushuka vwa vinyu, mukanwa vinyu mu vimbanja vya njuvo yange.”

Isaya 62:9 Iomraidhean Croise

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Isaya 65:21

Vanu vange vakatunga vinjuvo vyavo, co vakakuna vitungu vya mikolovozi ya vushuka vwa vinyu nakulya vushuka vwakwo.

Isaya 65:22

Kuvakatungila vakwavo veka vinjuvo, co lalo kuvakakunina vakwavo veka vitungu vya mikolovozi ya vushuka vwa vinyu ngeci valye, vanu vange vanjaangwile vakayoya simbu yakama ngwe miti nakujolela na vipangi vyavo.

Njelemiya 31:5

Co lalo mukakuna mikolovozi ya vushuka vwa vinyu ku malundu a mu Samaliya, co vaje vaikuna vakalya vuje vushuka vukaimako.

Ezekiyele 40:14

Co mulili wa ku shongo-shongo wakengesele ku cipango ca mbanja. Wasetekele uje mulili, nakuwana ngeci wapwile mamita likumi mu vwihi.

Njwele 2:26

Ololo mukakala oni na vyakulya vyavingi vimukalya, co mukakuta. Neni mukashangazala Shukulu Kalunga Njambi yeni, uje namilingila vyuma vyakukomokesa. Co naumo wai akashaula vanu vange lalo.

Zakaliya 3:7

“Shukulu Kalunga Muka-nzili yoshe nendeka ngwendi, ‘Nga wenda mwamuvwa mu vingila vyange nakunyunga mashiko ange, co ukapwa mukulunu wa Njuvo yange na vimbanja vyayo, co njikaziva malombelo ove, ngwe munjikazivi malombelo a tungelo vaje vali ku mesho ange.

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Kwituluka mu Mashiko 16:14

Mukajolela a ciwano ceni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi, na vaka-kwija, na visiwa, na vifwile vaje valinakukala akati keni.