Isaya 62:8 - Livulu lya Shukulu Kalunga

⁸ Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Isaya 62:8 Iomraidhean Croise

Isaya 1:7

Lifuti lyeni linemuka mambo, co vinganda vyeni vanavyenyeka. Vaka-kwija vanamitambula lifuti lyeni oku munavakengelela.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 54:9

“Njakulaesele Nowa ngwange, nalumo lwai njikanena lalo livazi ano asi. Ololo njikukulaesa ngwange kunjikaluvala nove lalo embwe, nambe kukunyanyamesa.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Isaya 59:16

Ikeye nalikomokela manene akumona ngeci kukwesi uje akwasa vaka-kuyanda. Ngecivene, akapangesa livoko lyendi lya nzili mukuvapatula nakuhyana.

Njelemiya 31:5

Co lalo mukakuna mikolovozi ya vushuka vwa vinyu ku malundu a mu Samaliya, co vaje vaikuna vakalya vuje vushuka vukaimako.

Njelemiya 5:17

Vakalya vimbuto vyeni na vyakulya vyeni, co vakatsiya vana veni va vanalume na ava va vanakazi. Vakatsiya matanga a vimanga veni nakunyongesa mikolovozi ya vushuka vwa vinyu, na miti ya mikuyu. Vinganda vyeni vya mu vimpaka vije mwakulaela vakavisiwula kuli mashwalale vavo.

Ezekiyele 20:5

Valeke vije vinjilinakwendeka. Omwo njaangwile Isalele, njavapwisile lizivasano. Njalisholwele kuli vakevo mu Ingito nakuvaleka ngwange yange njapwa nji Kalunga Njambi yeni.

VaLevi 26:16

co njikalinga evi, njikamitumina mishongo yaikalu ya lulanga na lisika-sika, ikamipwisa vupuputwa nakuminyongesa, co mukalima vimbuto vyeni, oloni kuvikamikwasa, omwo vitozi veni vakamifungulula, co vakalya vije vimwalimine.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Kwituluka mu Mashiko 28:30

“Mukendekeya vambanda, oloni vakavambata kuli vanu veka. Mukatunga vinjuvo, oloni kumukakalamo. Mukakuna vitungu vya mikolovozi ya vushuka vwa vinyu, oloni kumukali vushuka vwayo.

Kwituluka mu Mashiko 28:31

Vingombe veni vakavatsiya oku munakengeko, oloni kumukali situ yavo. Vimulu veni vakavakokangeya nakuvatwala kulyala oku munakengeko, oloni kuvakamiilwisilavo lalo embwe. Vimanga veni vakavana kuli vitozi veni, co naumo wai akamyamena.

Kwituluka mu Mashiko 28:33

Muyati wa vaka-kwija vakalinonela vimbuto vyeni vije mwapangele nakulipesa, co nacimo cai mukawanao, oloni mukamona tuyando na mapakeso simbu yoshe.

Kwituluka mu Mashiko 32:40

Mwa vushunga yange njapwa Njambi wakuyoya simbu yoshe, njikajundula livoko lyange nakulisinga,