Isaya 62:2 - Livulu lya Shukulu Kalunga

² Yelusalema, miyati ya vanu voshe vakamona kuhyana kwove! Vimyene vavo voshe vakamona vumpau vwove. Shukulu Kalunga vavenya, akakwana lizina lyaliha.

Isaya 62:2 Iomraidhean Croise

Kushangumuka 17:15

Co Njambi wendekele kuli Avilahama ngwendi, “Yove kuwapandele kutumbula munakazi wove lalo ngwove Salai, embwe. Kutunda ku litangwa lya lelo, lizina lyendi likapwa Sala.

Kushangumuka 17:5

Lizina lyove kuvakalitumbula lalo Avilama, oloni likapwa Avilahama, omwo njilinakukupwisa kukulwila ya miyati yaingi.

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Myaso 98:2

Shukulu Kalunga nambulula kuhyana kwendi, nasholola nzili yendi yakwamena.

Isaya 1:26

Yelusalema njikakwana vaka-kushwana na vaka-kunangula ngwe vaje vawakele navo ku san̄ulu. Asinoni lizina lyove lyaliha likapwa ‘Nganda yakushungama na kulongwa.’ ”

Isaya 26:2

Shokololeni vikolo vya nganda ngeci muyati wa vanu va kulongwa vakovele, muyati wa vanu vaje vaka-kulinga mwa vushunga.

Isaya 43:7

Vakevo vanapu vanu vange, njavatangele ngeci vanene kasingimiko kuli yange.”

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 60:11

Vikolo vyove vikashokoloka mutanya na vutsiki, ngeci vimyene va miyati ya vanu yeka vakunenele vufuko vwavo.

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 61:9

Vakatsimana akati ka miyati ya vanu, munu woshe uje akavamona akavazivuka ngeci vanapu vanu vaje vanjinavezikisa.”

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Isaya 65:15

Vanu vange vakwangula vakapangesa lizina lyove ngwe cisingo. Yange Kalunga wa Akamwa ya Vyoshe, njikamitsiya. Oloni njikana lizina lyaliha kuli vaje vanjononoka.

Isaya 66:11

Mukavwaelela akuvezika kwayo, ngwe mwanike avwaelela ku mavele a vaina.

Isaya 66:12

Shukulu Kalunga alinakwendeka ngwendi, “Njikamihwimisa ku myaka yoshe, vufuko vwa mafuti vukaita ngwe ndonga ya muta uje kuwesi kuma. Mukapwa ngwe mwanike uje ivajamwesa vaina mwamuvwa, nakumwambata mu shivu, nakumwongozola na cizemo.

Isaya 66:19

co vakazivuka ngeci yange muka-kuvahisa. “Oloni ali vakevo njikasezao vamo, co njikavatuma ku miyati ya ku mafuti a kulyala vaje kuvazivile lutsimo lwange nambe kumona vukama vwange na nzili, ku Sipeini, Limbiya, na Lindiya, na vanalume vamwo vaka-vutongwe vwakwasha na mikili, na ku Tuvale, na ku Ngelese. Akati ka miyati ije vakambulula vukama vwange.

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Vilinga vya Miluwa 11:26

Co omo wakamuwanene wamutwalele ku Antyoke, mu mwaka woshe wamutunu ava vavali valiwanene na vanu va mu cikungulukilo nakulongesa mbunga yakama. Co ku Antyoke kuje vaka-kukulaela vashangumukile kuvatumbula ngwavo vaka-Yesu.

Vilinga vya Miluwa 26:23

ngwavo Wakuvwavesa napande kuyanda nakupwa umo wakulivanga kusanguka ku vatsi nakwambulula ceke cakwovoka kuli vaYunda na kuli vaje kesi vaYunda.”

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.