Isaya 62:10 - Livulu lya Shukulu Kalunga

¹⁰ Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Isaya 62:10 Iomraidhean Croise

Myaso 24:7

Anjununeni vikolo, shokololeni mapito a ku myaka yoshe, Mwene wa vumpau akovelemo!

Myaso 68:4

Imbeni kuli Njambi, imbeni nakushangazala lizina lyendi, vwaeseni ngila ya uje alinakwita mu mambo. Lizina lyendi ikeye Shukulu Kalunga, vwaeleleni ku mesho endi!

Kutuuka 17:15

Co Mosesa watungile mutula nakuuluka lizina ngwendi “Shukulu Kalunga ikeye Muka-kunjihyanesa.”

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 11:16

Co kukakala tapalo ya vanu vendi vaIsalele vaje vanasalao yakutunda ku Asilya, ngwe muje muyapwile tapalo ya vakukulwila vavo omo vatundile mu Ingito.

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 19:23

Omo simbu ije iketa, kukakala tapalo yakama mukati ka Ingito na Asilya. Vaka-Ingito na vaAsilya vakalyendela, co vakalemesela amolika.

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 26:2

Shokololeni vikolo vya nganda ngeci muyati wa vanu va kulongwa vakovele, muyati wa vanu vaje vaka-kulinga mwa vushunga.

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 35:9

Vindumba kuvakakalamo embwe, nambe tusitu vakutewesa kuvaketimo. Kuvanga lika vaje vanapatula Shukulu Kalunga vakevo lika vakenda mu ngila ije.

Isaya 40:3

Lijwi lya umo muka-kutambeka ngwendi, “Vwaeseleni Shukulu Kalunga tapalo mu mambo! Vwaeseni tapalo yakushungama ya Njambi yetu!

Isaya 40:4

Ofweleni cimbongo coshe, nyekumwiseni minkinda yoshe. Malundu apwe cana, co lifuti lyakunyekama lipwe lyakulambesa.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 49:11

“Njikalinga tapalo akati ka minkinda, nakuvwaesa ngila yakwendela vanu vange.

Isaya 49:22

Shukulu Kalunga wa Akamwa ya Vyoshe alinakwendeka kuli vanu vendi ngwendi, “Njikana mafuti cimweso, co vakelwisila vana vove kwimbo.

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Isaya 57:14

Shukulu Kalunga alinakwendeka ngwendi, “Eceleni vanu vange veluke kuli yange. Tundiseni mingowa mu ngila ya vanu vange! Sheveni tapalo nakuyivwaesela cimweja!

Isaya 60:11

Vikolo vyove vikashokoloka mutanya na vutsiki, ngeci vimyene va miyati ya vanu yeka vakunenele vufuko vwavo.

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 66:19

co vakazivuka ngeci yange muka-kuvahisa. “Oloni ali vakevo njikasezao vamo, co njikavatuma ku miyati ya ku mafuti a kulyala vaje kuvazivile lutsimo lwange nambe kumona vukama vwange na nzili, ku Sipeini, Limbiya, na Lindiya, na vanalume vamwo vaka-vutongwe vwakwasha na mikili, na ku Tuvale, na ku Ngelese. Akati ka miyati ije vakambulula vukama vwange.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 4:6

Junduleni pandelo muleke vanu vaye ku Siyone! Yeni mukavande! Kesi mwishwale embwe! Shukulu Kalunga alinakunena tuyando twakama, nakunyongesa kwakama kutunda ku kunto.

Ezekiyele 26:2

“Muna munu, vanu va mu nganda ya Tile vanakuu vanu va mu Yelusalema ngwavo, ‘Ehe! Yelusalema vanayisiwula! Nzili yendi yakulanda nakulandesa inahu! Kakapu lalo citozi cetu!’

Mateo 22:9

Ngecivene, yeni ku masambwa-ngila, co voshe vamuwanako vasaneni vaije ku ciwano.’

VaHevelu 12:13

Endeni mu vingila vyakushungama, ngeci lindi lije lya vulema kesi likatanuke.