Isaya 61:8 - Livulu lya Shukulu Kalunga

⁸ Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Isaya 61:8 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

2 Samwele 23:5

Omu mukemwo mwakavezikisila Njambi vatekulwila vange, omwo nalikumiiya nange cikumiiyo kucesi kuhwa, na lizivasano lije kulyesi kuhwa, na cikulaeso cije kucesi kutenguluka. Evi vyoshe vikevyo vinjishaka, kuje kukekwo kukapwa kuhyana kwange, mwa vushunga Njambi akavisholola.

Myaso 105:10

Shukulu Kalunga walikumiiye cikumiiyo na Yakomba, cije ca myaka yoshe.

Myaso 11:7

Shukulu Kalunga wapwa wa vushunga, wazema vilinga vyavivwa, voshe vaje valinga mwamuvwa vakayoya nendi.

Myaso 32:8

Shukulu Kalunga nendeka ngwendi, “Njikakulongesa ngila ije iwunapande kwendelamo, co njikakulongesa nakukunangula.

Myaso 33:5

Shukulu Kalunga azema vushunga na vuvwa, asi anashulu na cizemo cendi cije kucesi kutenguluka.

Myaso 37:28

Omwo Shukulu Kalunga wazema vije vyavivwa, ikeye kesi kuseza vanu vendi vaje vamukulaela, co ikeye akavanyunga simbu yoshe, oloni vatekulwila va vaka-vuvi vakavashekela anja.

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Myaso 50:5

Alinakwendeka ngwendi, “Njikungulwileni vanu vange vaka-kukulaela, vaje valikumiiye cikumiiyo nange akukombelela n̄ombelo.”

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Visimo 3:6

Simbu yoshe tava Shukulu Kalunga ngeci akutwamenene, co akakumwesa vingila vya vushunga.

Visimo 8:20

Njikende mu ngila ya vushunga, nakukava vingila vyakushungama,

Isaya 28:17

Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Isaya 54:10

Minkinda na malundu vikazimangana, oloni cizemo cange ali yeni kucikahu, njikanyunga cikumiiyo cange cakumyana kwoloka ku myaka yoshe.” Ngwendi Shukulu Kalunga uje wakuzema.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Isaya 56:1

Shukulu Kalunga alinakwendeka ku vanu vendi ngwendi, “Lingeni vije vinapu vya vushunga, na vuvwa, omwo njikamyamena vwasi-vwasi.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Njelemiya 9:24

oloni uje alyalesa, napande kulyalesa ngeci anjizivuke nakunjizivisisa, omwo cizemo cange capwa ca myaka yoshe, co njikalingi vya vushunga nakushungama. Evi vikevyo vyuma vikanjivwaelelesa. Yange Kalunga, njinendekamo.”

Ezekiyele 16:60

Oloni njikanuka cikumiiyo cije njalikumiiye nove omo wapwile u mwanike, co njikalikumiiya cikumiiyo nove cije cikakala myaka yoshe.

Ezekiyele 34:25

Njikalikumiiya navo cikumiiyo ca kwoloka. Njikatundisa tusitu voshe va vushonde mu lifuti, ngeci vimanga vange vakakale mwamuvwa mu mahya nakulala mwamuvwa mu shwata.

Malakiya 1:13

Mwendeka ngweni, ‘Tunajuka!’ Co munjishendumuna. Ngwe omo yeni mulinakukombelela kuli yange omo mukombelela kuli yange vimuna vakwiva nambe uje wakutenguka nambe uje wakuvinja. Kuma mwayongola ngeci njikatambula vin̄ombelo vyeni vyangacije ndi?

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

2 Tesalonika 3:5

Mwene atwamenene vimbunge vyeni mukuzivisisa cizemo ca Njambi na lukakateya luje lwanamyana Kilistu.