Isaya 61:7 - Livulu lya Shukulu Kalunga

⁷ Shwamwa yeni nakushauka kweni vikahwa. Mukakala mu lifuti lyeni vavenya. Co vufuko vweni vakavuwezelela luvali, kujolela kweni kukapwa kwa myaka yoshe.

Isaya 61:7 Iomraidhean Croise

2 Vimyene 2:9

Omo vanajavuka laja, Elinja wendekele kuli Elisha ngwendi, “Njileke viwushaka ngeci njikulingilevyo simbu kanda vanjitwale mwilu.” Elisha wamukumbulwile ngwendi, “Njitave njitambule mutamba wa nzili yove ije ikanjipwisa shwana yove.”

Yombi 42:10

Asinoni, omo Yombi walombelele vasamba vendi vatatu, co Shukulu Kalunga wamuwezelele nakumwingisilamo luvali ku vije vyakele navyo akulivanga.

Myaso 126:5

Vaje valilile omo vaile nakukuna vimbuto vyavo, vavwaelele a kuteja vimbuto vyavo!

Myaso 16:11

Unanjimwesa ngila itwala ku mwonyo, co njivwaelela kukala kuyehi nove, simbu yoshe njivwaelela akunyunga kwove.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Isaya 60:15

“Nameme vakwivalele nakukuzinda, njikakupwisa nganda yakama yaivwa, mutambela wa kulyalesa nawo ku myaka yoshe.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Zakaliya 9:12

Ilukeni, yeni vinzinda ololo muli na cinyangavili, ilukeni ku mwela weni wauvwa. Ololo njimileka ngwange njikamivezikisa luvali ku tuyando tweni twoshe tuje mwayandele.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

Kwituluka mu Mashiko 21:17

Oloni akaane matambelo avali a vufuko vwendi kuli uje munendi wa munalume wa ntwatwa, nameme kesi ikeye mwana wa kuli munakazi uje wawana vulo. Munalume ou napande kutava munendi wa ntwatwa nakumwana vushwana vwa vu ntwatwa vuje vunapu vwendi.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,