Isaya 61:3 - Livulu lya Shukulu Kalunga

³ nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Isaya 61:3 Iomraidhean Croise

Esita 8:15

Co Molendekai watuukile mu lipela lya vumwene, oku nazala vuzalo vwa vumwene vwa mavala akuzivuluka naa akutoka na cikoveyo cacilaja ca linyu cakuletuka na cilongo ca vumpau ca ngolinde. Co mu vitapalo vya mu Susa vatwile vingunda na mutambi wakuvwaelela.

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Myaso 104:15

nakulima lalo vinyu ngeci vivwaelelese mbunge ya munu, na mazi a olive akulikwita ku mesho endi, na likende ngeci limwane nzili.

Myaso 149:4

Shukulu Kalunga avwaelela ali vanu vendi, asingimika vaka-kulikeesa nakuvahyanesa.

Myaso 23:5

Unanjivwaesela mesa ku mesho a vitozi vange, unanjana vivezikiso ngwe munu uje ivanavwavesa.

Myaso 30:11

Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Myaso 30:12

Ngecivene, kunjikoloka kuluu embwe, njikaimba nakukushangazala. Shukulu Kalunga, yove u Njambi yange. Njikakukandelela ku myaka yoshe.

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Muka-kwambulula 9:8

Simbu yoshe zala vuzalo vwavuvwa nakuvwava mazi ku mutwe wove.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 26:2

Shokololeni vikolo vya nganda ngeci muyati wa vanu va kulongwa vakovele, muyati wa vanu vaje vaka-kulinga mwa vushunga.

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Njelemiya 31:13

Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Ezekiyele 34:29

Njikavana mahya a vwilo, co njikamanesa njala ya lyangengela mu lifuti. Miyati yeka kuvakavashendumuna lalo.

Ezekiyele 47:7

co omo njetele kuje ku ngenge ya ndonga, njamwene ngeci kwakele miti yaingi manene ku mutambela na mutambela wa ndonga.

Zakaliya 3:5

Co washikile vaje vemanene nendi ngeci vazike Yoshwa kalupusa kakujela ku mutwe wendi. Co valingile ngacije, asinoni vamuzikile vuzalo vwavuha oku kangelo ka Shukulu Kalunga nemana kuje.

Mateo 15:13

Ikeye wavakumbulwile ngwendi, “Vimbuto vyoshe vije Tate wa mwilu kavikunine vakavitukula.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Luka 15:22

Oloni ishe wasanene vangamba vendi ngwendi, ‘Zambuleniko! Neneni cikoveyo cacivwa mumuzike. Co lalo muzikeni kanzeya ku mulavo wendi na vin̄aku ku mendi endi.

Yowano 15:8

Vumpau vwa Tate vusholoka nga mwima vushuka vwavungi, co mu ngila eyi vene mupwa vandongisi vange.

Yowano 16:20

Mwa vushunga njimileka ngwange, mukalila nakusikoka manene, oloni vaka-kaye vakajolela, mukakala na vusiwa, oloni vusiwa vweni vukatenguluka kupwa kujolela.

1 Kolinte 3:9

Omwo tulinakupangela amo kuli Njambi, co yeni munapu lihya lya Njambi. Co lalo munapu kutunga kwa Njambi.

1 Kolinte 6:20

Omwo wamilandele na ndando. Ngecivene, shangazaleni Njambi mu mivila yeni.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

VaHevelu 1:9

Wazema vushunga, co wazinda vuvi. Ngecivene, Njambi, Njambi yove nakuvwavesa na mazi akujolela kuhyana vakweni.”

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.