Isaya 61:11 - Livulu lya Shukulu Kalunga

¹¹ Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 61:11 Iomraidhean Croise

Kushangumuka 1:11

Asinoni Njambi wendekele ngwendi, “A nunda amene miyati yoshe ya vimena, vije vyakwima vimbuto vya vinona, nevi vyakwima vushuka.” Co eci calingiwile.

Myaso 72:16

Tiliku ipwe yaingi mu lifuti, akamwa ya malundu ashule na vimbuto, vipwe vyavingi ngwe vimbuto vya ku Lembanone. Vinganda vishule na vanu, ngwe mwila wa mu mahya.

Myaso 72:3

Vimbuto vimene mwamuvwa mu livu, livu limenese vimbuto mu vushunga.

Myaso 85:11

Kulongwa kwa munu kutunda ano asi nakweta mwilu, co vushunga vwa Njambi vukakenga asi kutunda mwilu.

Myaso ya Solomoni 4:16

Induka, yove lihunzi lya ku kunto. Huwila mu citungu cange, yove lihunzi lya ku mbwela, shulisamo na lihunzi lya lwengo lwaluvwa. Muka-cizemo cange aije mu citungu cendi nakulya vushuka vwamwo vwavuvwa.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 45:8

Njikatuma vushunga kutunda mwilu ngwe nyonzi, kaye kakalivwaesela kuvutambula, co vushunga vukamena asi. Yange Kalunga, njinatanga vyuma evi.”

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 48:18

“Nga mwatolililile ku mashiko ange, nga vivezikiso vyeni vyapwile ngwe muna ndonga uje kesi kuma cau, nga munahyana ngwe mankimba aa mema a kalunga.

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 62:1

Njikendeka nakutakamesa Yelusalema, kunjikoloka kuluu embwe kuvanga noo inovoka, co kuhyana kwendi kukavyazima ngwe ndeya ku vutsiki.

Isaya 62:2

Yelusalema, miyati ya vanu voshe vakamona kuhyana kwove! Vimyene vavo voshe vakamona vumpau vwove. Shukulu Kalunga vavenya, akakwana lizina lyaliha.

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Mateo 13:23

Co vimbuto vije vyawililile ku livu lya vwilo, vinapu ngwe vaje vaziva lijwi nakulizivisisa, vaima vushuka, vamo vaima vushuka 100, vakwavo makumi atanu na limo, co vakwavo makumi atatu.”

Mateo 13:3

Co wavalongesele vyuma vyavingi na visimo ngwendi, “Kwakele munalume umo waile nakukuva vimbuto.

Mateo 13:8

Oloni vimbuto vikwavo vyawililile ku livu lya vwilo, co vyemine, vimo vyemine vimbuto 100, vimo vyemine vimbuto makumi atanu na limo, co vikwavo lalo vyemine vimbuto makumi atatu.”

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.