Isaya 60:4 - Livulu lya Shukulu Kalunga

⁴ Kenga mesho ove noku-noku, umone vije vilinakulingiwa, vanu vove valinakukunguluka vaije kwimbo! Vana vove va vanalume vakatunda kulyala, vana vove va vanakazi vakavambata ngwe vana vavandondo.

Isaya 60:4 Iomraidhean Croise

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 14:2

Miyati yaingi vakakwasa vanu va Isalele kwiluka mu lifuti lyavo lije lyavanene Shukulu Kalunga, miyati ya vanu vakapangela Isalele ngwe vindungo. Vaje a simbu imo vafungulwile Isalele vakafunguluka kuli Isalele, co vanu va Isalele vakashwana vaje vavayandesele.

Isaya 42:6

“Yange Kalunga njinakusana nakukwana nzili, nakumona ngeci vushunga vulinakulingiwa ano asi. Muli yove njikalinga cikumiiyo na miyati yoshe, muli yove njikasholola ceke ku mafuti.

Isaya 43:6

Njikaleka kunto na mbwela, kwecela vanu vange ngeci veluke kutunda ku mafuti a kulyala na ku mitambela yoshe ya mu kaye.

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 49:17

“Nganda yove vakuyitungulula vwasi-vwasi, vaje vailwisile vakatenguluka nakuya,

Isaya 49:18

Kenga mesho ove noku-noku umone vije vilinakulingiwa! Vanu vove valinakukunguluka, veluke kwimbo! Mwa vushunga ngwe omo njapwa Njambi wakuyoya, ukalyalesela ali vanu vove, ngwe mwakalyalesela shombolwa a vuzalo vwendi vwa seo.

Isaya 66:20

Vakelwisa vavushoko vweni vaje vali mu mafuti oshe ku lilundu lyange lyakujela mu Yelusalema a tuvalu, na vimulu, na tumelo, na mu matemba na mu makalu, cikafwa ngwe vaIsalele vanena mulambu wa vimbuto vya vinona ku Njuvo yange a malonga akujela.

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Mika 7:12

Vanu vove vakeluka kuli yove kutunda ku mitambela yoshe, ku Asilya mu ngangela, na ku Ingito mu mbwela, na mu lifuti lya Yufuleti, na kulyala ku mema a kalunga na ku minkinda.

Hangai 2:7

Co njikatundisa miyati yoshe ya vanu, na vyuma vyavo vyoshe vya seo vikaija kuno, co Njuvo yange ikashula na vufuko.

Mateo 8:11

Njimileka ngwange vavangi vakaija, vakatunda mu ngangela na mu kangombe ka yambi, co vakatumbama ku mesa amo na Avilahama, na Isake, na Yakomba, mu Vumwene vwa mwilu.

Yowano 4:35

Kuma kumwesi kwendeka ngweni, ‘Kwasala vingonde viwana, co simbu ya kuteja yeta.’ Oloni njimileka ngwange, kengeni mu mahya, vimbuto vinahi laja ngeci vaviteje!

Vilinga vya Miluwa 13:44

Co a Litangwa Lyakuhwima likwavo kwasalele lika vavandondo mu nganda munu woshe wezile mukuziva lijwi lya Mwene.