Isaya 60:22 - Livulu lya Shukulu Kalunga

²² Nameme naanga yove yaindondo na kulikeesa, oloni vakapwa muyati wakama wa nzili. Omo simbu ikaija, yange Kalunga njikalinga vyuma evi vwasi-vwasi!”

Isaya 60:22 Iomraidhean Croise

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 5:19

Mwendeka ngweni, “Shukulu Kalunga azambule kulinga vije vyendekele, ngeci tuvimone. Njambi wa Isalele wakujela atumbe matumbe endi, ngeci tumone viyongola vyendi.”

Isaya 51:2

Yongoleni kukulwila yeni Avilahama, na Sala, kuje kwatunda naanga yeni. Omo njasanene Avilahama, kakele na vana vai, oloni njamuvezikisile nakumwana vana, njatumisile manene vatekulwila vendi.

Isaya 66:8

Kwali munu umo wamonao laja cuma eci nambe kuziva cuma ca cifwa cangacije ndi? Kuma muyati wa vanu wasemukile litangwa limolika ndi? Siyone kuyikasa kuyanda lalo simbu yakama embwe, omo kanda muyati wa vanu usemuke.

Ndanyele 2:35

A simbu imolika cije cikuvo, na vuma, na vunengu, na siliva, na ngolinde, vyoshe vyavujukile. Co vyapwile ngwe lijungu lya a lijungwilo lya tiliku a simbu yakumanesa kuteja vimbuto. Co lihunzi lyavipekumwine vyoshe, co naa avyakele ai. Oloni lije limanya lyapupile kamponya lyapwile munkinda wakama uje wafwikile kaye koshe.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Vilinga vya Miluwa 2:41

Vavangi vavo vakulaelele muzimbu wa Petulu, co vavambwitikile, ku litangwa lije vawezeleleleko vanu vakupwa 3,000 ku mbunga ya vaka-kukulaela.

Vilinga vya Miluwa 5:14

Co vanu vavangi manene valikumbasanene ku mbunga yavo, mbunga ya vanakazi na vanalume vaje vakulaelele kuli Mwene.

VaHevelu 10:36

Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

2 Petulu 3:8

Oloni kesi mwivale cuma cimo vasamba vange vanjazema! Ku mesho a Mwene litangwa limo linapu ngwe myaka yakupwa 1,000, co myaka yakupwa 1,000 kuli ikeye inapu litangwa limo.

Kujombolola 7:9

Munima yevi njakengele, co njamwene mbunga yakama, naumo wai wasele kulava vanu voshe vaje! Vatundile ku miyati yoshe na ku mafuti oshe na ku vanu voshe na ku vindaka vyoshe, co vemanene kulutwe lwa litanda na kulutwe lwa Muna Manga, vazalele vuzalo vwakutoka, co vakwatele minango ya mashakavale mu mavoko avo.