Isaya 60:21 - Livulu lya Shukulu Kalunga

²¹ Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 60:21 Iomraidhean Croise

2 Samwele 7:10

Njinaangwila vanu vange Isalele mutambela, co njinavakamo, muje mukemwo muvakakala, naumo wai akavayandesa lalo.

Myaso 37:11

Vaka-kulikeesa vakashwana mu lifuti, co vakajolela nakukala mu kwoloka.

Myaso 37:18

Shukulu Kalunga akanyungu vaje vamwononoka, co lifuti likapwa lyavo ku myaka yoshe.

Myaso 37:22

Vaje vanavezikisa Shukulu Kalunga vakashwana mu lifuti, oloni vaje vanasingi akavashekela anja.

Myaso 37:29

Vaka-vushunga vakakala mu lifuti, co vakayoyelamo ku myaka yoshe.

Myaso 92:13

Vanalifu na miti yakukuna mu Njuvo ya Shukulu Kalunga Njambi, ije ilinakukula mwamuvwa, mu Njuvo yetu ya Shukulu Kalunga,

Isaya 19:25

Asinoni Shukulu Kalunga Muka-nzili yoshe akavavezikisa nakwendeka ngwendi, “Njikamivezikisa vanu vange vaka-Ingito, yeni vaAsilya vaje njatangele, neni vaIsalele vanu vange vakwangula.”

Isaya 24:16

Tukaziva myaso yakutunda ku mitambela yakulyala ya ano asi yakushangazala Isalele, muyati wa vushunga. Oloni kunjesimo na cinyangavili! Njinanyongo! Vaka-makuli valinakulinga vungungu, co makuli avo anaama manene.

Isaya 26:2

Shokololeni vikolo vya nganda ngeci muyati wa vanu va kulongwa vakovele, muyati wa vanu vaje vaka-kulinga mwa vushunga.

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 43:7

Vakevo vanapu vanu vange, njavatangele ngeci vanene kasingimiko kuli yange.”

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 45:11

Shukulu Kalunga, Njambi wakujela wa Isalele, uje muka-kuvwaesa vyuma vya kulutwe, alinakwendeka ngwendi, “Kumwapandele kunjihula ali vana vange, nambe kunjileka vinjinapande kulinga!

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 45:8

Njikatuma vushunga kutunda mwilu ngwe nyonzi, kaye kakalivwaesela kuvutambula, co vushunga vukamena asi. Yange Kalunga, njinatanga vyuma evi.”

Isaya 49:3

Wendekele kuli yange ngwendi, “Isalele yove unapu ngamba yange, omwo ali yove, vanu vakanjishangazala.”

Isaya 51:2

Yongoleni kukulwila yeni Avilahama, na Sala, kuje kwatunda naanga yeni. Omo njasanene Avilahama, kakele na vana vai, oloni njamuvezikisile nakumwana vana, njatumisile manene vatekulwila vendi.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Isaya 57:13

Omo mutambeka ngeci vamikwase, eceleni tumponya tweni tumyamene! Lihunzi likavapekumuna! Oloni vaje vakulaela muli yange vakayoya mu lifuti, co vakanjilemesa mu Njuvo yange.”

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Isaya 61:7

Shwamwa yeni nakushauka kweni vikahwa. Mukakala mu lifuti lyeni vavenya. Co vufuko vweni vakavuwezelela luvali, kujolela kweni kukapwa kwa myaka yoshe.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Isaya 65:9

Njikavezikisa vanu va Isalele va ku muyati wa Yunda, co vatekulwila vavo, vakafuka lifuti lyange lya minkinda. Vanu vange vakwangula, vaje vanjipangela, vakakala mu lifuti muje.

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Ezekiyele 11:17

“Ngecivene, valeke evi yange Kalunga wa Akamwa ya Vyoshe, njendeka. Njikavakungulula kuvatundisa ku mafuti aje njavashandwelele, co njikavana lifuti lya Isalele.

Ezekiyele 34:29

Njikavana mahya a vwilo, co njikamanesa njala ya lyangengela mu lifuti. Miyati yeka kuvakavashendumuna lalo.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Ezekiyele 47:7

co omo njetele kuje ku ngenge ya ndonga, njamwene ngeci kwakele miti yaingi manene ku mutambela na mutambela wa ndonga.

Amose 9:15

Njikaka vanu vange mu lifuti lije linjavanene, co naumo wai akavatundisamo lalo.” Shukulu Kalunga Njambi yeni ikeye nendekamo.

Ovandiya 1:17

“Oloni a Munkinda wa Siyone, vamo vakavomboloka, co ukapwa mutambela wakujela. Vanu va Yakomba, vakashwana lifuti lyavushwana vwavo.

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Mateo 15:13

Ikeye wavakumbulwile ngwendi, “Vimbuto vyoshe vije Tate wa mwilu kavikunine vakavitukula.

Mateo 5:5

“Vanavezika vaje vaka-kukongomeka, omwo vakashwana ano asi!

Yowano 15:2

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.

Efeso 1:12

Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

2 Petulu 3:13

Oloni yetu tuvandamena vije vyanakulaesa Njambi, vikevyo, lilu lyaliha na kaye kakaha, muje mukakala vushunga.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

Kujombolola 21:7

Woshe uje ahyana akashwana vyuma evi, njikapwa Njambi yendi, co ikeye akapwa munange.

Kujombolola 5:10

Co unavapwisa vumwene vwa vaka-kukombelela mukupangela Njambi yetu, co vakashwana ano asi.”