Isaya 60:2 - Livulu lya Shukulu Kalunga

² Lisusulungu likafwika miyati yeka, oloni ceke ca Shukulu Kalunga cikavyazima ali yove, ceke cendi cikakala amo nove.

Isaya 60:2 Iomraidhean Croise

1 Vimyene 8:11

ngeci vaka-kukombelela kuvasele kwilukilamo nakupanga vipangi vyavo, omwo vumpau vwa Shukulu Kalunga vwashulisile mu Njuvo ya Shukulu Kalunga.

Myaso 102:16

Omo Shukulu Kalunga akatungulula Siyone, co vumpau vwendi vukasholoka.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Isaya 2:5

Eni vatekulwila va Yakomba, tuyoyeni mu ceke ca Shukulu Kalunga.

Isaya 4:5

Asinoni Shukulu Kalunga akatuma lishelwa akamwa ya Munkinda wa Siyone na a voshe vaje vakakungulukilao, a simbu ya mutanya, na vwisi, na mulangi wa tuhya a simbu ya vutsiki. Co vumpau vwa Njambi vukafwika nakunyunga nganda yoshe.

Isaya 58:10

aneni vyakulya kuli vaje vali na njala, nakulinga mwamuvwa vanu vaje valinakuyanda, co lije lisusulungu lyamizengeleka likemuka ceke ca mukati ka litangwa.

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Isaya 62:1

Njikendeka nakutakamesa Yelusalema, kunjikoloka kuluu embwe kuvanga noo inovoka, co kuhyana kwendi kukavyazima ngwe ndeya ku vutsiki.

Isaya 66:11

Mukavwaelela akuvezika kwayo, ngwe mwanike avwaelela ku mavele a vaina.

Isaya 8:22

nakukenga lalo asi, oloni vyai vakamona, vakamona lika tuyando na lisusulungu, lisusulungu lyakuzivisa lyova muje muvakavombila.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Ezekiyele 10:4

Co vumpau vwa Shukulu Kalunga vwasholokele muli vaje vikashama, co vwezile ku cikolo ca Njuvo ya Shukulu Kalunga. Asinoni lije lishelwa lyashulisile Njuvo ya Shukulu Kalunga, co cije cipango cavyazimine na ceke.

VaLevi 9:23

Co Mosesa na Alone vakovelele mu Mbalaka Mwakuliwanena, omo vatuukile anja, vavezikisile vanu, co ceke ca vumpau vwa Shukulu Kalunga casholokele ku vanu voshe.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Kulava 16:19

Asinoni Kola wakungulwile mbunga yoshe, nakuvyana Mosesa na Alone kuje ku cikolo ca Mbalaka Mwakuliwanena. Co vwasi-vwasi vumpau vwa Shukulu Kalunga vwasholokele ku mbunga yoshe,

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Mateo 23:19

Eni tupuputwa! Cuma mukajo cakama manene? Vwana nambe mutula uje upwisa vwana ngeci vujele mu vipangi vya Njambi?

Mateo 23:24

Eni vantwama va tupuputwa! Mukononoka nameme vilongesa vya Lishiko, oloni mukasezeo mutambela wa seo manene wa Lishiko lije kumuzivuka.

Yowano 1:1

Akulivanga kwakele Lijwi, co Lijwi lyakele amo na Njambi, co Lijwi lyapwile Njambi.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 8:55

Oloni yeni kumwamuzivukile, yange njimuzivuka. Nga njendeka ngwange kunjimuzivuka, co njipwa nji muka-makuli ngwe yeni. Oloni yange njimuzivuka, co njinonoka lijwi lyendi.

Vilinga vya Miluwa 14:16

Ku myaka ya kunima watavele vanu voshe ngeci vaye mu vingila vyavo vavenya.

Vilinga vya Miluwa 17:23

Omwo njinende mu nganda yeni nakukenga ku mitambela kuje mukalemesela, njawanene a mutula umo aje vanasoneka ngwavo, ‘Kuli Njambi Uje Kutuzivuka.’ Cije mukalemesa, nameme kumucizivuka, cikeco njilinakwambulula kuli yeni ololo.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.