Isaya 60:19 - Livulu lya Shukulu Kalunga

¹⁹ “Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Isaya 60:19 Iomraidhean Croise

Myaso 3:3

Oloni yove Shukulu Kalunga, simbu yoshe wapwa u ntelo yange yakunjizikinina ku vushonde, yove unjihyanesa nakunjitakamesa.

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Myaso 4:2

Yeni vanu visimbu vingai mukanjishaula? Visimbu vingai mukazema vije vinapu vyangoco, nakukavangeya vije vinapu vya makuli?

Myaso 62:7

Kwovoka kwange na kasingimiko kange vyakala muli Njambi, ikeye limanya lyange lyakukola, muli Njambi mukemwo munjivanda.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 84:12

Yove Shukulu Kalunga Muka-nzili yoshe, vavezika vanu vaje vakulaela kuli yove!

Isaya 2:5

Eni vatekulwila va Yakomba, tuyoyeni mu ceke ca Shukulu Kalunga.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 28:5

A litangwa lije Shukulu Kalunga Muka-nzili yoshe akapwa cilongo ca vumpau kuli vanu vendi vaje vanasalao.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 60:1

Induka, Yelusalema, vyazima ngwe litangwa, omwo ceke cove cinaija, na vumpau vwa Shukulu Kalunga vulinakuvyazima ali yove!

Isaya 9:2

Vanu vaje vendele mu lisusulungu vanamono ceke cakuvyazima manene. Vanu vaje vakele mu lifuti lya munzinze wa kutsa, ololo ceke cinavatwila.

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Zakaliya 2:9

“Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.” Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.

Luka 2:32

ceke cakujombolola cizango cove kuli ava kesi vaYunda, nakunena vumpau kuli vanu vove va Isalele.”

Kwituluka mu Mashiko 10:21

Mwaleseni, ikeye wapwa Njambi yeni. Ikeye wamilingilile vikomokeso vyakama vyakujujwisa, vije mwalimwenenene yeni vavenya na mesho eni.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.

Kujombolola 22:5

Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.