Isaya 60:18 - Livulu lya Shukulu Kalunga

¹⁸ Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 60:18 Iomraidhean Croise

2 Samwele 7:10

Njinaangwila vanu vange Isalele mutambela, co njinavakamo, muje mukemwo muvakakala, naumo wai akavayandesa lalo.

Myaso 147:14

Ikeye aana kwoloka kuluu ku vinginga vyove, nakukwana tiliku yaivwa ngeci ulye.

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 26:2

Shokololeni vikolo vya nganda ngeci muyati wa vanu va kulongwa vakovele, muyati wa vanu vaje vaka-kulinga mwa vushunga.

Isaya 51:19

Tuyando twakama tunaija ali yove, nzita inashandozola lifuti lyove, co vanu vove valinakutsa ku njala. Naumo wai akuzivilako mema ku mbunge.

Isaya 54:14

Vushunga na vuvwa vikakukolesa. Ukakala mwamuvwa kuvakakuyandesa nambe kukuzivisa lyova.

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 60:11

Vikolo vyove vikashokoloka mutanya na vutsiki, ngeci vimyene va miyati ya vanu yeka vakunenele vufuko vwavo.

Isaya 60:17

“Njikakunenela ngolinde kwingisa mu vunengu. Njikakunenela siliva na vunengu kwingisa mu vutale na citi, njikakunenela vutale kwingisa mu limanya. Vaka-kushwana kuvakakuyandesa lalo, vakashwana na vushunga na kwoloka.

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Ezekiyele 42:20

Ngecivene, wasetekele mitambela yoshe iwana. Co kwakele civumbe cazengelekeleko, capwile mamita 250 mwoshe mu vwihi na mu vulaja, mukwangununa kuje kwakujela na kuje kwakujeneka kujela.

Mika 4:3

Asinoni akasompa vin̄anda akati ka miyati ya vanu, nakupwa muka-kusompa wa miyati yakama ya vanu kuyehi na kulyala. Vakafula mikwale yavo kupwa matemo, na makunga kupwa vimoko vyakunongesa miti. Miyati ya vanu kuvakalilwisa umo na mukwavo, co kuvakalilongesa kulwa nzita lalo embwe.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Zakaliya 2:9

“Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.” Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.

Zakaliya 9:8

Njikanyunga lifuti lyange, co njikavindika mashwalale kwitamo. Kunjikatavesa lalo vaka-muuka kuyandesa vanu vange, njamono muvanayandelamo vanu vange.”