Isaya 60:14 - Livulu lya Shukulu Kalunga

¹⁴ Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Isaya 60:14 Iomraidhean Croise

Kushangumuka 27:29

Miyati yoshe vakapwe vangamba vove, co vanu voshe vakakulemese. Ukashwane vavushoko vwove voshe, na vatekulwila va vaka-nyoko vakakulemesa. Vaje vakakusinga, navo vakasingiwe, co vaje vakakuvezikisa, vakapwe vakuvezika.”

Kushangumuka 42:6

Yosefa wapwile mwata wakama mu lifuti lya Ingito, ikeye wakele nakulandesa tiliku kuli vanu voshe va mu kaye. Co vandolome va Yosefa vezile nakutsikama a mavuli nakulemesa ku mesho endi.

Myaso 46:4

Kuyili ndonga ije ivwaelelesa nganda ya Njambi, ije ivwaelelesa mwela wakujela kuje kwakala wa Akamwa ya Akamwa.

Myaso 48:2

Siyone munkinda wa Njambi, ukewo uli kulyala ku kunto, co lalo wauvwa, nganda ya mwene wakama inena kujolela mu kaye mwoshe!

Myaso 87:3

Yelusalema nganda ya Njambi, vyuma vyakukomokesa vanakutumbwilavyo.

Visimo 14:19

Vaka-vuvi vakatsikama, nakulamba kuli vaka-vushunga na kulikeesa, mukulomba kutetela kwavo.

Isaya 1:26

Yelusalema njikakwana vaka-kushwana na vaka-kunangula ngwe vaje vawakele navo ku san̄ulu. Asinoni lizina lyove lyaliha likapwa ‘Nganda yakushungama na kulongwa.’ ”

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Ezekiyele 36:15

Lifuti kulikatwalao kutolilila ku miyati ije ilishendumuna, nambe kumona vanu vaje valinakulishaula. Lifuti kulikevi lalo vana va miyati yavo. Munjinendeka yange Kalunga wa Akamwa ya Vyoshe.”

Ezekiyele 39:7

Njikatsimanesa lizina lyange ku vanu vange va Isalele, co kunjikatava ngeci lizina lyange lyakujela lishauke. Asinoni miyati vakazivuka ngeci yange Kalunga, njapwa Njambi wakujela wa Isalele.”

Njwele 3:8

Co njikakundika vana veni va vanalume na ava va vanakazi ku mavoko a vanu va mu Yunda, co vakevo vakavalandesela kulyala kuli vaSavene. Yange Kalunga, njinendekamo.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 14:1

Asinoni njakengele, co kuje kwakele Muna Manga wemanene a Munkinda wa Siyone, wemanene na vanu vakupwa 144,000 vaje vavasonekele lizina lyendi na lizina lya Ishe a maholo avo.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.