Isaya 60:13 - Livulu lya Shukulu Kalunga

¹³ “Viti vya tulipi, na njunipa, na sipelese, viti vyavivwa vya mu shwata ya Lembanone, vakavinena mukukutungulula yove Yelusalema, mukuvwaesa vuvwa Njuvo yange, nakulingisa vumpau nganda yange.

Isaya 60:13 Iomraidhean Croise

1 Mizimbu 28:2

Mwene Ndaviti wemanene kulutwe lwavo, wendekele kuli vakevo ngwendi, “Vavushoko vwange, njitolilileni mwamuvwa. Njashakele kutungila Cikasa ca Cikumiiyo njuvo yakukola ije inapu litanda lya Shukulu Kalunga Njambi yetu. Njalivwaeselele cimweja vyakutungisa Njuvo ya Shukulu Kalunga mukumusingimika,

2 Mizimbu 2:15

Ngecivene, ololo tutumine tiliku na mbale ya maumwa na vinyu na mazi a olive vije viwatukulaesele.

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Myaso 132:7

Twendekele ngwetu, “Tuyeni ku Njuvo ya Shukulu Kalunga, tulemeseni ku mesho endi!”

Myaso 96:6

Singimikeni nakushangazala Shukulu Kalunga, nzili yendi na vuvwa vwendi vili mu Njuvo yendi yakujela.

Myaso 99:5

Shangazaleni Shukulu Kalunga Njambi yetu, mulemeseni a litanda lyendi! Ikeye wapwa wakujela!

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 55:13

Miti ya sipelese na cinyota ikamena mu mutambela muje mwakele mambimbo. Miti eyi ikapwa cizivukiso ca vumpau vwa Shukulu Kalunga ku myaka yoshe.”

Isaya 60:7

Vimanga voshe va ku Kendale na ku Nembayote Vakavanena kuli yove mukuvakombelela. Vakavakombelela a mutula mukuvwaelelesa Shukulu Kalunga. Co njikashangazala Njuvo yange ya vumpau.

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Ezekiyele 47:7

co omo njetele kuje ku ngenge ya ndonga, njamwene ngeci kwakele miti yaingi manene ku mutambela na mutambela wa ndonga.